უკვე ვწერდით, რომ საქართველოს ჩემპიონატის აუტსაიდერმა "ბათუმმა" ახლახან, სატრანსფერო ფანჯრისას უცხოელი მოთამაშეების ჯგუფი დაიმატა. ცხადია, გაჩნდა კითხვა, რამდენად კვალიფიციური მოთამაშეები არიან ისინი და შეძლებენ თუ არა, ბათუმელებს უმაღლეს ლიგაში ადგილის შენარჩუნებაში დაეხმარონ.
ინტერნეტსივრცეში ინფორმაციის მოძიება დიდ სირთულეს არ წარმოადგენს და აღმოჩნდა, რომ "ბათუმს" ნამდვილად სერიოზული შევსება მიუღია.
ლუკას იაკობუს გოუვსი სამხრეთაფრიკელი მეორეხაზელია. ის იოჰანესბურგთან ახლოს მდებარე "ფოტჩეფსტრუმის ვოლკსქულის" აღზრდილია და მის ღირსებას დიდი ხნის განმავლობაში იცავდა სამხრეთ აფრიკის სკოლების ჩემპიონატში. მისი თანაგუნდელია კიდევ ერთი მეორეხაზელი კორნი ნიუვენჰუიზენი.
ფულბეკი სემ ჰემფსონი
ტიმოთი ჯონ ვენი კი ახალზელანდიელი ცხრა ნომერია, რომელიც აქამდე სარაგბო კლუბ "გრეი ველეიში" თამაშობდა.
ყოველდღიური სპორტული გაზეთი "ლელო"
