გერმანიის მორაგბეთა ეროვნული ნაკრების მთავარმა მწვრთნელმა კობუს პოტხიტერმა დღეს, 19 თებერვალს საქართველოსთან დამარცხების შემდეგ ჟურნალისტებთან ისაუბრა.- "ბორჯღალოსნებმა" გერმანიის ნაკრები გაანადგურეს
შეგახსენებთ, რომ "რაგბი ევროპის ჩემპიონატის" მეორე ტურში გერმანელები "ბორჯღალოსნებს" ესტუმრნენ და ანგარიშით 6:50 დამარცხდნენ.
"პირველ რიგში, საქართველოს ნაკრებს ვულოცავ ამ გამარჯვებას - ის დღეს საუკეთესო იყო. როგორც წინასამატჩო პრესკონფერენციაზე ვთქვი, საქართველოში ჩვენი თამაშის გასაუმჯობესებლად ჩამოვედით, გვსურდა, უკეთესი ხარისხი გვეჩვენებინა, მაგრამ, სამწუხროდ, ეს არ გამოგვივიდა, რაც საკუთარი თავის ღალატს ნიშნავს.
მართალია, რამდენიმე მოთამაშე გვაკლდა დღეს, თუმცა შედეგს მათ არყოფნას ვერ დავაბრალებ.
რთულია ერთმანეთს საქართველოს და რუმინეთის ნაკრებები შევადაროთ. საქართველომ ფიზიკურად დაგვჩაგრა, შეტევაში უკეთ შეასრულა მწვრთნელის დავალებები. რუმინეთთან სულ სხვანაირად ვითამაშეთ. ვერ შევადარებ ამ ორ მეტოქეს ერთმანეთს", - თქვა პოტხიტერმა.
