საქართველოს მორაგბეთა ეროვნული ნაკრების მთავარმა მწვრთნელმა მილტონ ჰეიგმა Sportall.ge-სთან მსოფლიოს 2019 წლის თასის წილისყრა შეაფასა.- "ბორჯღალოსნების" მეტოქეები მსოფლიოს 2019 წლის თასზე ცნობილია
- ავსტრალიელები და უელსელები "ბორჯღალოსნებთან" მეტოქეობამ გაახარა
- გია ნიჟარაძე წილისყრაზე: შეიძლება ითქვას, რომ არ გაგვიმართლა
"მსოფლიოს თასის წილისყრის შედეგები ჩვენთვის ერთობ სასტიკია. მოგეხსენებათ, ავსტრალია და უელსი მსოფლიოს წამყვანი ნაკრებებია და ამ ეტაპზე მათთან ტოლ-სწორად ბრძოლა გაგვიჭირდება. დიდი ალბათობით, ჯგუფში კიდევ ერთი ჩვენი მეტოქე ფიჯის ნაკრები იქნება, რომელიც ასევე სერიოზული ძალაა...
2019 წლამდე ორი წელია და ჩვენ
ტესტ-მატჩი უელსთან, რომელიც წელს ნოემბერში უნდა გაიმართოს, ნამდვილად დაგვეხმარება იმაში, რომ მეტოქე სათანადად შევისწავლოთ და შევაფასოთ მისი რეალური ძალა. ავსტრალიასთან მსგავსი თამაშის გამართვის საშუალება კი, სავარაუდოდ, არ გვექნება.
მაგრამ ფარ-ხმლის დაყრას მაინც არ ვაპირებთ. ახლა ჩვენი მიზანია, ვიმუშაოთ მეტი და მეტი. რაც უფრო მეტს შრომობ, მით მეტად უახლოვდები სრულყოფილებას", - განუცხადა sportall.ge-ს იაპონიაში მყოფმა "ბორჯღალოსნების" თავკაცმა.
