"ბორჯღალოსნების" მთავარმა მწვრთნელმა მილტონ ჰეიგმა ამერიკული ტურნესთვის 36 მორაგბეს უხმო.ახალზელანდიელ სპეციალისტს განზრახული ჰქონდა, რომ გაფართოებულ შემადგენლობაში სხვა მოთამაშეებიც ეხილა, მაგრამ რამდენიმე მათგანი ტრავმის გამო მოისაკლისა.
ესენი არიან: დუდუ ქუბრიაშვილი, გიორგი თეთრაშვილი, ვახტანგ მაისურაძე, ბექა გორგაძე, ბადრი ლიპარტელიანი, ანზორ სიჭინავა, ირაკლი სვანიძე.
"ბორჯღალოსნები" "შევარდენზე" 29-იდან 31 მაისამდე სამდღიან შეკრებას გაივლიან, რომელიც მსოფლიო რაგბის მე-9 დებულებით არის გათვალისწინებული. პირველ ივნისს გახდება ცნობილი იმ 33 მორაგბის ვინაობა, რომლებიც 3 ივნისს კანადაში გაემგზავრებიან. მოსამზადებელ შეკრებაზე არ იქნებიან ის მოთამაშეები, რომელთა გუნდებიც საფრანგეთის ტოპ
"რაგბი ევროპის ჩემპიონატისგან განსხვავებით, სადაც განვითარების გეგმის თანახმად, ახალგაზრდა და ადგილობრივი მორაგბეები ვნახეთ საქმეში, ამერიკულ ტურნეზე უძლიერესი შემადგენლობა მიგვყავს. ძალიან ძლიერ მოწინააღმდეგეებთან გვიწევს თამაში, ტესტ-მატჩებზე ნაჩვენებ შედეგს დიდ მნიშვნელობას ვანიჭებთ და საუკეთესოებით წარმატების მეტი შანსი გვექნება.
შეკრებაზე გვყავს როგორც გამოცდილი, ასევე შედარებით ახალგაზრდა მორაგბეები. ბიჭებს ენთუზიაზმი და ენერგია არ აკლიათ და ჩემთვის, როგორც მწვრთნელისთვის, სასიამოვნოა ამ გუნდთან მუშაობა. დიდი მონდომებით ველი სრული შემადგენლობის შეკრებას" - გაფართოებული რაზმის დასახელების შემდეგ განაცხადა მილტონ ჰეიგმა.
ძლიერ მეტოქეებთან
"ბორჯღალოსნებს" ივნისში სამი მნიშვნელოვანი ტესტ-მატჩის და დიდი მანძილის დაფარვა მოუწევთ. გუნდი 3 ივნისს ჩრდილოეთ ამერიკაში, კანადაში მიემგზავრება, სადაც 10 ივნისს (საქართველოს დროით 01:00, 11 ივნისი) ქალგარიში კანადას შეხვდება.კანადიდან "ბორჯღალოსნები" ამერიკის შეერთებულ შტატებში, ატლანტაში გადაინაცვლებენ და 17 ივნისს (საქართველოს დროით 03:00 18 ივნისი) "არწივებს" შეერკინება.
ამის შემდეგ "ბორჯღალოსნებს" უკიდურეს სამხრეთში, ზაფხულიდან ზამთარში მოუწევთ გადაფრენა და ჰუჰუიში 24 ივნისს "პუმებს" (საქართველოს დროით 23:15) შეხვდებიან.
"ზაფხულის ტესტ-მატჩებს უდიდეს მნიშვნელობას ვანიჭებთ. შარშანდელი ოკეანეთის ტურნეს მსგავსად, წელსაც გვაქვს შესაძლებლობა, რომ ისტორიაში ახალი ფურცელი ჩავწეროთ.
თითოეული თამაში ძალიან რთული იქნება: აშშ-მა ახლახან "ამერიკის რაგბის ჩემპიონატი" მოიგო და თავდაჯერებული იქნება; კანადა საერთაშორისო დონეზე ყოველთვის კარგად გამოდის; არგენტინა 2015 წლის მსოფლიო თასის ნახევარფინალისტია და მათთან თამაში ჩვენთვის სასიამოვნო გამოწვევაა" - ამბობს ჰეიგი.
"ბორჯღალოსნების" საშეკრებო შემადგენლობა 2017 წლის ივნისის ტესტებისთვის:
შერკინება: ანტონ ფეიქრიშვილი (კარდიფი, უელსი), თორნიკე მატარაძე (ლიონი, საფრანგეთი), მიხეილ ნარიაშვილი (მონპელიე, საფრანგეთი), ჯაბა ბრეგვაძე (ვუსტერი, ინგლისი), შალვა მამუკაშვილი (ტულონი, საფრანგეთი), ბადრი ალხაზაშვილი (ტულონი, საფრანგეთი), სოსო ბეკოშვილი (ბრივი, საფრანგეთი), ირაკლი მირცხულავა (ოიონა, საფრანგეთი), კარლენ ასეიშვილი (ბრივი, საფრანგეთი), ლევან ჩილაჩავა (ტულონი, საფრანგეთი), კოტე მიქაუტაძე (მონპელიე, საფრანგეთი), გიორგი ჩხაიძე (დომონი, საფრანგეთი), გიორგი ნემსაძე (ბრისთოლი, ინგლისი), ნოდარ ჭეიშვილი (ლელო სარასენსი), ოთარ გიორგაძე (კლერმონი, საფრანგეთი), ბექა ბიწაძე (შონბრი, საფრანგეთი), მიხეილ გაჩეჩილაძე (ენისეი, რუსეთი), გიორგი თხილაიშვილი (ბათუმი), ლაშა ლომიძე (ლონდონ აირიში, ინგლისი), ვიტო კოლელიშვილი (კლერმონი, საფრანგეთი), გიორგი ცუცქირიძე (ბრივი, საფრანგეთი);
ხაზი: ვასილ ლობჟანიძე (ბრივი, საფრანგეთი), გიორგი ბეგაძე (ყოჩები), ვაჟა ხუციშვილი (ლოკომოტივი), ლაშა მალაღურაძე (კრასნი იარი, რუსეთი), ლაშა ხმალაძე (ლელო სარასენსი), რევაზ ჯინჭველაშვილი (ბაგრატი), დავით კაჭარავა (ენისეი, რუსეთი), თამაზ მჭედლიძე (აჟენი, საფრანგეთი), მერაბ შარიქაძე (ორიაკი, საფრანგეთი), გიორგი კოშაძე (ხარები), ალექსანდრე თოდუა (ლელო სარასენსი), იოსებ მათიაშვილი (აკადემია), გიორგი ფრუიძე (ბაგრატი), მერაბ კვირიკაშვილი (ლელო სარასენსი), ბექა წიკლაური
მომზადებულია rugby.ge-ს მიხედვით
ვერ გაგიგე ვის სიძულვილზე ლაპარაკობ, მსჯელობით კი აშკარაა შემდეგი:
1) ნაკრებში სიახლე არის ნულოვანი! (ეს შეეხება მეორე და მესამე ხაზს) აბა შერკინებაში საქართველოს მეხუთე შემადგენლობითაც შეუძლია უმეტესი გუნდების თრევა!
2) საქართველოს ჩემპიონატში წელს თავი გამორჩეულად უკანახაზელებმა გამოიჩინეს (ტრადიციულად რომ გვიჭირდა იმ ხაზზმა), ამიტომ ნაკრებში ვინაიდან ამ კუთხით სულ გვიჭირდა ძიება და ექსპერიმენტები აქაა საჭირო
3) გარკვეული დეფიციტი შეიმჩნევა მეორე ხაზშიც (რუმინეთში სათადარიგო მეორეხაზელიც არ გვყავდა), შედეგიც გვახსოვს ალბათ
4) მარტო ჰეიგს შეუძლია)))) მეორედ ასეთი სისულელე არ თქვა! შეუცვლელები არ არსებობს. ყველა დონეს თავისი ვარსკვლავი ყავს. საქართველოს ნაკრების რაგბის ისტორია ამის საუკეთესო მაგალითია. სორელმა თავისი დროის საუკეთესო რაგბი გვათამაშა, მაგრამ როგორც კი მსოფლიო ჩემპიონატზე მოვხვდით, მსოფლიოსთვის მისი კვალიფიკაცია არ იყო საკმარისი, სხვა შემთხვევაში ურუგვაისთან უეჭველი მოვიგებდით!
რუსთაველის ქვეყანაში არ არსებობს შეუცვლელი ადამიანი! ეს არის ყველაზე დიდი შევდომა! ჰეიგის დამსახურება ქართული რაგბის წინაშე აღემატება დღემდე ყველა მწვრთნელისა, თუმცა მოვიდა დრო მასთან დამშვიდობებისა, არაა აუცილებელი მაინც და მაინც სამარცხვინოდ გავაგდოთ.
ის დაცვის საუკეთესო მწვრთნელი იქნებოდა მაგრამ შეტევა და ხაზი მისი ძლიერი მხარე არ არის - ეს უკვე აშკარაა! მაგ კომპონენტში ტიმ ლეინიც კი ბევრად აღემატებოდა
ჯიქის გარემარბებს და აბრამიძეს კი ნაკრების გაფართოვებულ შემადგენლობაში დაძახება ეკუთვნით