2014 წლის ევროპის ერთა თასის და 2015 წლის მსოფლიო თასის შესარჩევი ეტაპის მორიგ საშინაო მატჩამდე ერთი კვირა რჩება. 22 თებერვალს, ქართველი "ბორჯღალოსნები" რუს "დათვებს" "დინამო არენაზე" უმასპინძლებენ. მატჩის დასაწყისი 17:00 საათზე.
საქართველოსა და რუსეთის ეროვნულ ნაკრებებს შორის გასამართი მორიგი თბილისური შეხვედრის ბილეთები 17 თებერვლიდან (ორშაბათი) გაიყიდება. ბილეთების გაყიდავა მხოლოდ "დინამო არენის" სალაროებში იწარმოებს და მათი შეძენა ყოველდღიურად, დილის 11:00 საათიდან 18:00 საათამდე იქნება შესაძლებელი.
შეგახსენებთ, რომ მატჩზე დასასწრები ბილეთების ფასი 3 და 5 ლარს შეადგენს.
სრულიად ქართული სარაგბო თემის სახელით,
რაგბი ჩვენი თამაშია!
წყარო: rugby.ge
