საქართველოს რაგბის კავშირის პრეზიდენტმა გიორგი ნიჟარაძემ რუსეთთან ერთა თასის მატჩის წინ გულშემატკივარს სტადიონზე მოსვლისა და ეროვნული გუნდის მხარდაჭერისკენ მოუწოდა. ნიჟარაძის თქმით, ქართველი გულშემატკივარი მეტოქეს პატივისცემით უნდა მოეპყრას - ისე, როგორც სტუმარს ეკადრება.შეგახსენებთ, რომ ”ბორჯღალოსნები” რუსეთის მორაგბეთა ნაკრებს 22 თებერვალს, ბორის პაიჭაძის სახელობის ეროვნულ სტადიონზე უმასპინძლებენ.
"ჩვენ სულ ვლაპარაკობთ იმაზე, რომ გვინდა მსოფლიო ელიტაში შესვლა. ასევე გულშემატკივრების საყვარელი თემაა, რატომ არ ვართ ექვს ერში?
ჩვენ ყველაფერს ვაკეთებთ საიმისოდ, რომ სპორტული თვალსაზრისით, გავიზარდოთ და დავიმსახუროთ ეს უფლება, მაგრ
მინდა მოვახსენო ჩვენს გულშემატკივრებს, რომ მომავალ მატჩს დაესწრება რაგბის საერთაშორისო ფედერაციის პრეზიდენტი ბერნარდ ლაპასე და ასევე, სხვა სტუმრებიც. ეს ადამიანები ყველაფერს ყურადღებით დააკვირდებიან. ვფიქრობ, ამით ყველაფერია ნათქვამი.
ჩვენ ქართველები ვართ და სტუმართმოყვარეობა სისხლში გვაქვს. ჩვენ იმ გენერლებს ხომ არ ვეთამაშებით? ვეთამაშებით ბიჭებს, ღირსეულ კაცებს, ჩვენი ბიჭების მეგობრებს, რომლებთანაც ომი მიდის მოედანზე, ხოლო მის მიღმა ქართველ და რუს მორაგბეებს მრავალწლიანი მეგობრობა აკავშირებთ და დაგვიჯერეთ, ისინი ძალიან ღირსეული ადამიანები არიან.
ასე რომ, გულშემატკივრის მხარდაჭერა გამოიხატება სტადიონზე მოსვლასა და ჩვენი ნაკრების მხურვალე მხარდაჭერაში.
ჩვენი ინფორმაციით, ჩამოდიან რუსეთის ნაკრების გულშემატკივრები, ვეტერანი მორაგბეების დიდი ჯგუფი, რომლებიც ჩვენს ვეტერანებთან ითამაშებენ და მერე ერთად მოვლენ სტადიონზე.
პირიქით, ამათ უნდა მოვეფეროთ, რადგან ისინი მეგობრული გრძნობებით მოდიან და არა სამტროდ. ვისთანაც გვაქვს სამტრო, ეგ უკვე სხვა თემაა..." - თქვა ნიჟარაძემ გადაცემა "სპორტ ტაიმის" ეთერში.
ასევე იხილეთ:
რუსეთთან მატჩისთვის "ბორჯღალოსნების" 27-კაციანი რაზმი ცნობილია
შალვა მამუკაშვილი: პატივი ეცით ჩვენს მეტოქეებს!
ეს სტვენიები ხომ არ იყვნენ სულ კბილებით რომ დაგლიჯეს რუსის ტანკები აგვისტოში?