საქართველოსა და ესპანეთის მორაგბეთა ნაკრებები 26 თებერვალს კაპიტნის ვარჯიშს გამართავენ

26 თებერვალს საქართველოსა და ესპანეთის მორაგბეთა ნაკრებები მიხეილ მესხის სახელობის სტადიონზე კაპიტნის ვარჯიშს გამართავენ.

ამავე დღეს, 16:30 საათზე სტადიონის საპრესკონფერენციო დარბაზში კაპიტნები და მწვრთნელები ტრადიციულ წინასამატჩო პრესკონფერენციას გამართავენ.

ესპანელების კაპიტნის ვარჯიში 12:00 საათზე დაიწყება, ხოლო "ბორჯღალოსნების" - 17:00 საათზე.

საქართველოსა და ესპანეთის ნაკრებებს შორის რაგბი ევროპის მატჩი 27 თებერვალს, 17:00 საათზე დაიწყება. შეხვედრის პირდაპირ ტრანსლაციას "საზოგადოებრივი მაუწყებლის" პირველი არხი განახორციელებს.

26/02/2016 - "მიხეილ მესხის" სტადიონი. კაპიტნის ვარჯიში
ესპანეთი - 12:00-13:00
საქართველო - 17:00-18:00

ჟურნალისტების საყურადღებოდ:

ფოტო-ვიდეო გადაღება ნებადართულია ორივე გუნდის კაპიტნის ვარჯიშის დაწყებიდან 15 წუთის განმავლობაში, რის შემდეგაც მედიასაშუალებების წარმომადგენლებს მოეთხოვებათ გადაღების შეწყვეტა.

ჟურნალისტები, რომლებმაც უკვე გაიარეს აკრედიტაცია საქართველო-ესპანეთის მატჩზე დასასწრებად, სააკრედიტაციო ბარათებს მიიღებენ ზემოთ აღნიშნულ წინასამატჩო პრესკონფერენციაზე. პრესკონფერენციის შემდეგ და მატჩის დღეს სააკრედიტაციო ბარათები აღარ გაიცემა!

აქვე შეგახსენებთ, რომ საქართველო-ესპანეთის მატჩისთვის მედიააკრედიტაციებზე მოთხოვნის გამოგზავნის ბოლო ვადა დღეს, დღის ბოლოს იწურება.

ბილეთები:
მატჩის ბილეთები 18 თებერვლიდან ონლაინ იყიდება ვებგვერდზე TKT.GE.

22 თებერვლიდან ბილეთები უკვე სტადიონის სალაროებში იყიდება. ფასი 3 და 5 ლარია.

მომზადებულია rugby.ge-ს მიხედვით