3 დეკემბერს ლონდონში 2015 წლის მსოფლიოს თასის წილისყრა გაიმართება. ცხადია, იმედი გვაქვს, რომ საქართველოს ნაკრები მსოფლიოს უდიდეს სარაგბო ფორუმში ასპარეზობის უფლებას უპრობლემოდ მოიპოვებს და ამიტომ ლონდონურ ღონისძიებას ქართული რაგბის ქომაგი მოუთმენლად ელოდება. ცხადია, ცნობილია ჩვენი გუნდის სავარაუდო მეტოქეების ვინაობა. იმ შემთხვევაში, თუ ერთა თასის გათამაშების ორწლიან ციკლს "ბორჯღალოსნები" პირველ ადგილზე დაასრულებენ, მაშინ ჩვენი მეტოქეები ვერაფრით იქნებიან ფიჯის, კანადისა და იაპონიის ნაკრებები, ვინაიდან ეს გუნდები ჩვენსავით მეოთხე კალათაში იქნებიან განაწილებულნი.
სამაგიეროდ, ძალიან დიდია ალბათობა იმისა, რომ საქართველოს ნაკრების მეტოქე, ისევე, როგორც
"ნარშავების" ინგლისელი თავკაცი ენდი რობინსონი, რომელსაც კონტრაქტი 2015 წლის ბოლომდე ჰქონდა გაფორმებული, კვირას თანამდებობიდან გადადგა.
მიზეზად წლეულს ექვსი ერის გათამაშებაში წარუმატებელი გამოსვლა და ნოემბრის ტესტებზე ტონგას ნაკრებთან მარცხი დასახელდა.
სამართლიანობა მოითხოვს აღინიშნოს, რომ მიუხედავად იშვიათი გამონათებებისა, რობინსონის ხელმძღვანელობით, შოტლანდიელებმა პროგრესი ვერაფრით განიცადეს.
მეტიც, მათ არც ახალ ზელანდიაში გამოუჩენიათ თავი რამით და ჯგუფური ტურნირის დაძლევა ვერ შეძლეს.
მაშინ რობინსონის თანამდებობიდან გაშვება არ შეიძლებოდა, რადგან ახალი ხელშეკრულება სულ რაღაც ერთი თვით ადრე გააფორმა.
კულუარებში ამბობენ, რომ რობინსონს უთანხმოება ჰქონდა ნაკრების წამყვან მოთამაშეებთან. ასეთი მდგომარეობა კი დიდხანს ვერ გაგრძელდებოდა და ინგლისელმა გაცლა ამჯობინა.
ახლა ყველა იმაზე ბჭობს, ვინ უნდა შეცვალოს "სკოტების" თავკაცი. შოტლანდიის ნაკრების ყოფილი მორაგბე კენი ლოგანი ამ თანამდებობაზე, დროებით მოვალეობის შემსრულებლად სკოტ ჯონსონს ასახელებს.
"ვფიქრობ, რომ მთავარი მწვრთნელის დანიშვნა ნაჩქარევად არ ივარგებს. ამიტომ, მოდით, გუნდი მომავალი ექვის ერის გათამაშებაში სკოტ ჯონსონმა გაიყვანოს.
მოვიქცეთ ისე, როგორც ეს ინგლისელებმა გააკეთეს სტიუარტ ლანკასტერის შემთხვევაში. ვნახოთ, როგორ შეეწყობიან მას მოთამაშეები და თუ გაამართლებს, ამის მერე კონტრაქტიც გავუფორმოთ" - თქვა კენი ლოგანმა.
შოტლანდიის რაგბის კავშირი კი უკვე მიმდინარე კვირის ბოლოდან აპირებს დაიწყოს ნაკრების მთავარი მწვრთნელობის კანდიდატების განხილვა.
სკოტური რაგბის ხელმძღვანელმა მარკ დოდსონმა რამდენიმე საკმაოდ სახელოვანი სპეციალისტი დაასახელა. ესენია: ნიკ მალეტი, ჯეკ უაითი, ტოდ ბლეკედერი, უეინ სმიტი და ბრაიან რედპეტი.
თუმცა არიან სხვა კანდიდატებიც. ასე მაგალითად, "ნარშავების" ყოფილი თავკაცი ჯიმ ტელფერი ყველაზე სასურველად ჯორჯ გრემს ან პეტ ლამის მიიჩნევს.
ბოლო სიტყვა მაინც რაგბის კავშირზეა და ვინც უნდა იყოს მათი რჩეული, ნებისმიერ შემთხვევაში, დიდ რისკზე წასვლას გადაწყვეტს.
ყოველდღიური სპორტული გაზეთი "ლელო"
