გუშინ, 15 ნოემბერს, ლონდონში ჩოგბურთის წლის შემაჯამებელი ტურნირი დაიწყო, სადაც საუკეთესო 8 ჩოგბურთელი იყრის თავს.
გახსნითი მატჩის მისია წინა წლის ფინალისტ დომინიკ ტიმსა და ტურნირის გამარჯვებულ სტეფანოს ციციპასს ერგოთ.
მატჩი სანახაობრივი და დაძაბული გამოდგა. მატჩი 2 საათსა და 18 წუთს გაგრძელდა.
პირველი სეტი ავსტრიელმა ტაიბრეიკზე მოიგო. აღსანიშნავია, რომ ბერძენს მე-13 გეიმი 4:1 მიჰყავდა, მაგრამ დათმო. რაც შეეხება მეორე სეტს, ციციპასმა 6:4 იმარჯვა და მატჩი გადავიდა მესამე, გადამწყვეტ ფაზაში, სადაც თამაშის ბედი ერთმა შესრულებულმა ბრეიკმა გადაწყვიტა. საბოლოოდ, დომინიკმა 6:3 იმარჯვა და მნიშვნელოვანი გამარჯვება მოიპოვა.
რაც შეეხება მეორე მატჩს, ერთმანეთს რაფაელ ნადალი და ალექსანდ რუბლევი დაუპირისპირდნენ.
მატჩმა მოლოდინი ვერ გაამართლა. ნადალმა სეტში თითო-თითო მოწოდება წაართვა მეტოქეს და მარტივად, ანგარიშით 6:3 6:4 იმარჯვა.
მომდევნო მატჩს ესპანელი ტიმის წინააღმდეგ ჩაატარებს, ხოლო რუბლევი ციციპასს დაუპირისპირდება.
რაც შეეხება დღევანდელ მატჩებს, დღეს მსოფლიოს #1 ჩოგანი ნოვაკ ჯოკოვიჩი ჩაერთვება საქმეში. სერბი არგენტინელ დიეგო შვარცმანს დაუპირისპირდება. ბოლო 5 მატჩიდან 5-ივე ნოვაკის გამარჯვებით დასრულდა. მატჩი 18:00 საათზე დაიწყება.
დღის მეორე შეხვედრაში ერთმანეთს პარიზის მასტერსის ფინალისტები, ალექსანდრ ზვერევი და დანილ მედვედევი დაუპირისპირდებიან. ბოლო 5 მატჩიდან 3-ში გამარჯვებული გერმანელი გამოვიდა. მატჩი ხვალ, 00:00 საათზეა ჩანიშნული.
თანამემამულისთვის ოცნების დანგრევა და მორიგი ტიტულისკენ სვლა [VIDEO]
![ნოლე ნახევარფინალშია! მედვედევის მორიგი მარტივი გამარჯვება [VIDEO]](/pictures/image7/d4ad010c8b17061ae23f89c5f5a670c4.jpg "ნოლე ნახევარფინალშია! მედვედევის მორიგი მარტივი გამარჯვება [VIDEO]")
![რუსმა კარი გაიჯახუნა, მოქმედი ჩემპიონი ჯგუფში ჩარჩა [VIDEO]](/pictures/image7/5cbb8ba6323f8060df6788bccd1e55a2.png "რუსმა კარი გაიჯახუნა, მოქმედი ჩემპიონი ჯგუფში ჩარჩა [VIDEO]")
![ჯოკოვიჩმა უშანსოდ წააგო, ზვერევის მნიშვნელოვანი გამარჯვება! [VIDEO]](/pictures/image7/8dea31f0f5460d58aaee59576b9e12c3.jpg "ჯოკოვიჩმა უშანსოდ წააგო, ზვერევის მნიშვნელოვანი გამარჯვება! [VIDEO]")
![ლონდონის შემაჯამებელი ტურნირი - დღე #2 [VIDEO]](/pictures/image7/2efc041284c0f6db303da09d1117f467.jpg "ლონდონის შემაჯამებელი ტურნირი - დღე #2 [VIDEO]")
![აბსოლუტური დომინაცია - ნადალმა როლან გაროსი მეცამეტედ მოიგო![VIDEO]](/pictures/image7/7594108995e06966bce40538d2facd1c.jpg "აბსოლუტური დომინაცია - ნადალმა როლან გაროსი მეცამეტედ მოიგო![VIDEO]")
