საფრანგეთის ღია პირველობის მეოთხედფინალში ერთმანეთს რაფაელ ნადალი (5) და ნოვაკ ჯოკოვიჩი (1) დაუპირისპირდნენ. 4:12-საათიანი თრილერი ესპანელის გამარჯვებით, 6:2 4:6 6:2 7:6 დასრულდა.
მანამ, სანამ მატჩის მიმოხილვაზე გადავალთ, გეტყვით, რომ ჩოგბურთის ისტორიაში ეს მატჩი იყო პირველი, რომელშიც მონაწილეობდნენ მოთამაშეები, რომლებსაც ATP ტურში 1000-ზე მეტი შეხვედრა ჰქონდათ მოგებული; ამასთან ერთად, დიდი სლემის ტურნირზე 300 და მეტი გამარჯვება ჰქონდათ ნაზეიმები.
რაც შეეხება უშუალოდ დაპირისპირებას, რაფამ ბრწყინვალედ დაიწყო, 5 გეიმის შემდეგ კი ორბრეიკიანი უპირატესობა ჰქონდა და სეტიც ლოგიკურ დასასრულამდე მიიყვანა.
"მატადორმა" მეორე სეტიც ბრწყინვალედ დაიწყო, ნოვაკის ჩაწოდება ორჯერ მოიპარა და 3:0 დაწინაურდა, თუმცა სერბმა დიდოსტატმა 3 ბრეიკი შემოგვთავაზა და ჩამორჩენა აღმოფხვრა.
მესამე სეტში "რაფამ" ანგარიში 4:1 წაიყვანა და კიდევ ერთხელ დაწინაურდა, მეოთხე სეტში კი დამსწრე საზოგადოებამ ნამდვილი თრილერი იხილა.
ჯოკოვიჩი ბრეიკიანი უპირატესობით დაწინაურდა, მე-9 გეიმში სეტზე ჩაწოდების უფლებაც, 2 სეტ-ბოლიც მიიღო, თუმცა ესპანელმა ბოლომდე იბრძოლა და ნოვაკის ჩაწოდება მოიგო. საქმე ტაი-ბრეიკამდე მივიდა, სადაც 6:1 დაწინაურდა. კლასიფიკაციის ლიდერმა გაიბრძოლა, ზედიზედ 3 გათამაშება თავის სასიკეთოდ დაასრულა, თუმცა, საბოლოოდ, "მატადორმა" მატჩი ბრწყინვალე "ბექჰენდით" დახურა.
ამრიგად, ნადალი "როლან გაროსის" ნახევარფინალში გავიდა, სადაც ალექსანდრ ზვერევს (3) შეხვდება. გერმანელმა ჩოგბურთელმა კარლოს ალკარას გარფია (6) 6:4 6:4 4:6 7:6 დაამარცხა.
თავი 59-ე - ნადალი და ჯოკოვიჩი "როლან გაროსის" მეოთხედფინალში ერთმანეთს დაუპირისპირდებიან [VIDEO]
![კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]](/pictures/image7/45a73f0c790a0838fef86577d003a453.jpg "კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]")
![სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]](/pictures/image7/758a8016aec0c4291eeebae693163907.jpg "სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]")
![ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]](/pictures/image7/c8dbe304afdc0b72875cb71e962bee11.jpg "ნადალი: \"რეალის\" ფანი ვარ, მაგრამ მესი რონალდოზე უკეთესია [VIDEO]")
![კარლოს ალკარასი უიმბლდონის ტურნირის გამარჯვებულია [VIDEO]](/pictures/image7/2027c367b6898772cb13ea6df9f9d128.jpg "კარლოს ალკარასი უიმბლდონის ტურნირის გამარჯვებულია [VIDEO]")
