ბათუმი. ძალოსანთა ევროპის ჩემპიონატი დღეს გაიხსნება

ბათუმში მალე ძალოსანთა ევროპის ჩემპიონატის გახსნის ცერემონია გაიმართება. ჩემპიონატს ბათუმის ახალი სპორტის სასახლე 6-13 აპრილს უმასპინძლებს, რომელშიც მონაწილეობას მიიღებს 40-ზე მეტი ქვეყნის 400 სპორტსმენი.


6 აპრილს დაგეგმილია ევროპის ჩემპიონატის ოფიციალური გახსნის ცერემონია, რომელიც ჩანიშნულია 13:45 საათზე. გახსნის ცერემონია 30 წუთი გაგრძელდება. ევროპირველობის გახსნის ღონისძიებაში მონაწილეობას მიიღებენ საქართველოს პრეზიდენტი სალომე ზურაბიშვილი, განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე და ევროპის ძალოსნობის ფედერაციის ხელმძღვანელი პირები.





საქართველოს ძალოსანთა ნაკრების შემადგენლობა: შოთა მიშველაძე (61 კგ.), რამინ შამილიშვილი (61 კგ.), გოგა ჩხეიძე (67 კგ.), არჩილ მალაყმაძე (73 კგ.), ლომია თებიძე (81 კგ.), რევაზ დავითაძე (89 კგ.), ანტონ პლესნოი (96 კგ.), ირაკლი ჩხეიძე (102 კგ.), ლაშა ტალახაძე (+109 კგ.), ირაკლი თურმანიძე (+109 კგ.).
რეზერვი: გიორგი დოკვაძე (55 კგ.), გოდერძი ბერდელიძე (61 კგ.), გიორგი ჩხეიძე (+109 კგ.).

ევროპის ჩემპიონატის პროგრამა
6 აპრილი
10:00-12:00 საათი: ქალები 45 და 49 კგ (ბ-ჯგუფი)
12:00-13:15 საათი: ვაჟები 55 კგ (ბ-ჯგუფი)
13:45-14:15 საათი: ევროპის ჩემპიონატის გახსნის ოფიციალური ცერემონია
15:00-17:00 საათი: ქალები 45 კგ (ა-ჯგუფი)
18:00-19:50 საათი: ვაჟები 55 კგ (ა-ჯგუფი)
20:30-22:30 საათი: ქალები 49 კგ (ა-ჯგუფი)

განათლების, მეცნიერების, კულტურისა და სპორტის სამინისტროს სტრატეგიული კომუნიკაციის დეპარტამენტი