40 წლის მენი პაკიაომ დღეს, 21 ივლისის დილით ნევადას შტატის ქალაქ პერედაისში დაამარცხა აქამდე უძლეველი კეით თურმანი და WBA ვერსიით ნახევრადსაშუალო წონაში (67 კგ) მსოფლიო ჩემპიონის ქამარი მოიპოვა.
პაკიაოსა და თურმანს შორის ბრძოლა 12 რაუნდი გაგრძელდა და საბოლოოდ, ფილიპინელმა მსაჯების გადაწყვეტილებით მოიგო: 113:114, 115:112, 115:112.
ბრძოლა საკმაოდ სანახაობრივი გამოდგა და მოკრივეები ზედმეტი დაზვერვის გარეშე საქმეზე. პაკიამო თურმანი პირველივე რაუნდში დააკონდაუნა, თუმცა ამერიკელი მაინც კარგად იდგა ფეხებზე. თავიდან მოპოვებული უპირატესობა ფილიპინელმა ბრძოლის შუაში დათმო და თურმანმა რამდენიმე რაუნდი მოიგო, თუმცა ჩემპიონი მაინც პაკიაო გახდა.
თურმანისთვის ეს პირველი მარცხი იყო 30-ე ბრძოლიდან. ხოლო მენი პაკიაომ კარიერაში 62-ე გამარჯვება მოიპოვა და კვლავ მსოფლიო ჩემპიონის ტიტული ექნება.
![ფლოიდ მეივეზერი დიდი ბრძოლისთვის ბრუნდება? - მოკრივემ ვარჯიშის კადრები გაავრცელა [VIDEO]](/pictures/image7/e47df8cb609b4902180e1934bee9d8d3.jpg "ფლოიდ მეივეზერი დიდი ბრძოლისთვის ბრუნდება? - მოკრივემ ვარჯიშის კადრები გაავრცელა [VIDEO]")
