UFC-ის ქართველ ჩემპიონ ილია თოფურიას (15-0) 15 ჩატარებული ბრძოლიდან 13 გამარჯვება ნაადრევ ეტაპზე აქვს მოპოვებული, იქიდან 5 ნოკაუტით, 8 მტკივნეული ილეთით. ეს 87 პროცენტიანი, "ფინიშინგის მაჩვენებელია"."ქართველ მატადორს" ზუსტად ერთ თვეში, 26 ოქტომბერს, UFC ABU DABI-ზე, ქვემსუბუქი წონის ლეგენდა მაქს ჰოლოვეისთან (26-7) საჩემპიონო ორთაბრძოლა ელოდება. ეს დაპირისპირება UFC-ის გულშემატკივრებისთვის სტილისტურად ერთ-ერთ საინტერესო ბრძოლად არის მიჩნეული, რადგან ილია, რომელიც საოცარი გამთიშველი დარტყმით გამოირჩევა, ხვდება მებრძოლს, რომლის დაძინებაც, ფაქტობრივად, შეუძლებელია.
ილია თოფურიამ UFC-ის ქამარი ასევე ლეგენდარულ ავსტრალიელ ალექსანდერ ვოლკანოვსკისთან (26-4), მეორე რაუნდის ნოკაუტით მოიპოვა.
Შეგახსენებთ, "ქართველი მატადორი" ეგრედწოდებული POUND-FOR-POUND რეიტინგის მე-4 ნომერია, მახ მხოლოდ ჯონ ჯონსი (27-1), ალექს პერეირა (11-2) და ისლამ მახაჩევი(26-1) უსწრებენ.
ილია თოფურიას გარდა, ამავე რეიტინგს კიდევ ერთი ქართველი "მანქანა" მერაბ დვალიშვილი (18-4) ამშვენებს, რომელიც მე-7 პოზიციაზე იმყოფება.
სპეციალურად საიტისთვის მოამზადა გიორგი ყარმაზანაშვილმა
!["ვინ მოიყვანა ეს აქ, ვინ ხარ ბიჭო შენ" - თოფურიას რეაქცია რუსი ჟურნალისტის პროვოკაციულ კითხვაზე [VIDEO]](/pictures/image7/5f0a0ec20e58d285660c97278686a4fc.jpg "\"ვინ მოიყვანა ეს აქ, ვინ ხარ ბიჭო შენ\" - თოფურიას რეაქცია რუსი ჟურნალისტის პროვოკაციულ კითხვაზე [VIDEO]")
![არის!!! ილია თოფურიამ UFC-ის ისტორიაში პირველი ქართული ქამრის დაცვა მოახერხა [VIDEO]](/pictures/image7/346e197ef81872178d94809450c126ac.jpg "არის!!! ილია თოფურიამ UFC-ის ისტორიაში პირველი ქართული ქამრის დაცვა მოახერხა [VIDEO]")
