26 ივნისს მინსკში მიმდინარე ევროპულ თამაშებზე კანოეში 200 მეტრ დისტანციაზე წინასწარ რბოლაში ზაზა ნადირაძემ 15 მონაწილეს შორის საუკეთესო შედეგი აჩვენა და პირდაპირ დიდ ფინალში ასპარეზობის უფლება მოიპოვა.
მან დისტანცია 39.421 წამში დაფარა. ნადირაძის გარდა, 40 წამზე ნაკლები დრო კიდევ 2 სპორტსმენს დასჭირდა. ლიეტუველი ჰენრიკას ზუსტაუტსის შედეგი 39.526 წამი იყო, ესპანელი ალფონსო ბენავიდესის - 39.969. ამ დისციპლინაში ფინალური რბოლა ხვალ, 27 ივნისს, 15:30 საათიდან დაიწყება.
კაიაკით 200 მეტრ დისტანციაზე რბოლის ნახევარფინალში იასპარეზებს ბადრი ყაველაშვილი. წინასწარ რბოლაში მან დისტანცია 35.227 წამში
დაფარა და 21 მონაწილეს შორის მეცხრე შედეგი აჩვენა. ასევე ნახევარფინალში მოხვდა მარიამ ქერდიკაშვილი. კანოეთი 200 მეტრ დისტანციაზე შეჯიბრებაში ფინიშთან 51.526 წამში მოვიდა და მეცამეტე იყო.
ორივე ნახევარფინალი დღეს გაიმართება.
ზაზა ნადირაძემ მსოფლიო თასის პირველი ეტაპი მოიგო
