სლოვაკი, ბერძენი, ახალზელანდიელი - აირჩიე საქართველოს ნაკრების წლის საუკეთესო მწვრთნელი

AutoSharing Option
ბერძენი, ახალზელანდიელი, სლოვაკი - ალბათ მიხვდით სამი წამყვანი გუნდური სახეობის მწვრთნელებზეა საუბარი. ილიას ზუროსი, მილტონ ჰეიგი და ვლადიმირ ვაისი. მათი საქმიანობა მუდმივად კითხვის ნიშნის ქვეშაა, მათ სიხარულიც ახლავთ და იმედგაცრუებაც.

მილტონ ჰეიგი მათ შორის "ყველაზე ქართველია", რომელიც ჩვენს ქვეყანას მიეჩვია და თავისად განიხილავს.

ილიას ზუროსი ცხარე ბერძნული მენტალიტეტით გამოირჩევა, თუ აფეთქდა მტრისას! თუმცა რეალურად იმდენად თბილი ადამიანია, გაგიჭირდება იმის გააზრება, რომ პარკეტთან იგივე ადამიანი იდგა.

ვლადიმირ ვაისი დახვეწილობით გამოირჩევა, უყვარს დისციპლინა, ნაკლებად კონტაქტურია თუმცა თავის შეგირდებთან ურთიერთობა შეუძლია.

ჰოდა ეს
სამი მწვრთნელი ან სიხარულს გვაჩუქებს ან ვერა, გამოკითხვა კი შემდგომში მდგომარეობს. რომელმა მწვრთნელმა იმუშავა 2018 წელს ყველაზე კარგად, მანამდე კი მათ მონაგარს გადავხედოთ.

ვლადიმირ ვაისი - საქართველოს ფეხბურთელთა ნაკრების მთავარი მწვრთნელი

Sportall.Ge

ვაისისთვის 2018 წლამდე ნამდილად კოშმარი იყო, რადგან მსოფლიო ჩემპიონატის საკვალიფიკაციო ისე ჩავატარეთ მოგება არ გვქონდა. 2018 წელი ამხანაგური მატჩებით განვაახლეთ - მარტში ლიეტუვას 4:0 ვძლიეთ, შემდეგ ესტონეთიც 2:0 დავამარცხეთ. ივნისში კი მალტას 1:0 მოვუგეთ, ლუქსემბურგთან  0:1 დავთმეთ. ესე შევეგებეთ ერთა ლიგის ახალ ტურნირს, რომელმაც ნამდვილად გაამართლა.

ერთა ლიგის გადამწყვეტი მატჩი სექტემბერში პირველივე ტურში გვქონდა, მთავარ მეტოქეს, რომელიც ჯგუფიდან გასვლში უნდა შეგვცილებოდა, ყაზახეთშივე 2:0 დავამარცხეთ, თბილისში კი ლატვიას 1:0 ვძლიეთ. ოქტომბრის სანაკრებო პაუზისას ორი 3:0-იანი ანგარიში დავაფიქსირეთ, ჯერ ანდორა დავამარცხეთ თბილისში, შემდეგ ლატვია რიგაში.

ერთა ლიგის ჯგუფური ეტაპი ყველა მოგებით მაინც ვერ დავასრულეთ, ანდორამ არ დაგვანება და ლა ველაში 1:1 გვეთამაშა, ფინალურ ტურში კი ყაზახეთს თბილისში 2:1 ვძლიეთ.

საბოლოოდ ვაისმა ერთა ლიგის ნახევარფინალში მასპინძლობის უფლება მოგვიპოვა და მეოთხე კალათა ევროპის ჩემპიონატის შესარჩევში. მთავარი პრობლემა, რაც ვაისის მიმართ ტრადიციულად იყო, ეს დაგვიანებული შეცვლები და რამდენიმე შემთხვევაში სელექცია იყო. თუმცა სლოვაკი 2019 წელს 8 მოგებით 1 ფრითა და 1 მარცხით ხვდება.

ილიას ზუროსი - საქართველოს კალათბურთელთა ნაკრების მწვრთნელი

Sportall.Ge

ბერძენს არ ჰქონია ნამდვილად მარტივი წელი, მას ყველაფერმა შეუშალა ხელი რაც შეიძლება მომხდარიყო - ეს იყო კალათბურთელთა გამუდმებული ტრავმები და ევროლიგა, რომელმაც მსოფლიო ჩემპიონატის შესარჩევის ამ ფორმით ჩატარებას აზრი დაუკარგა.

წლის დასაწყისი თებერვალში შესარჩევის მესამე თამაშით დავიწყეთ, ავსტრია შინ 78:64 დავამარცხეთ და ჯგუფიდან გასვლის კითხვები შევამცირეთ, თუმცა მალევე სპორტის სასახლეში გერმანიასთან 77:87 დავთმეთ. ივნისში მწარე მარცხი გვაგემა სერბეთის ნაკრებმა, სპორტის სასახლეში არ დაგვინდეს და 50:87 მოგვიგეს, თუმცა ჩვენსავე არენაზე შემდეგ შეხვედრაში ავსტრიას 98:73 ვძლიეთ.

ჯგუფიდან გასულები, სხვა ჯგუფში გადავბარგდით და პირველივე შეხვედრაში ებრაელებს თელ ავივში 85:80 ვძლიეთ, მსოფლიო ჩემპიონატზე გასვლის იმედები გაჩნდა, თუმცა თბილისში საბერძნეთის ნაკრებთან ცივი წყალი ჩვენ თვითონვე გადავისხით, სადაც შეხვედრა ბოლო წამებში წავაგეთ (85:86) და გადამწყვეტ მომენტში ილიას ზუროსის ტაქტიკური მონახაზიდან გაცილებით მეტის მოლოდინი გვქონდა.

ბოლო ორი შეხვედრა კარგად ჩავატარეთ. ტალინში ესტონეთს 80:73 ვძლიეთ და თბილისში დრამატულ მატჩში ისრაელი 71:69 დავამარცხეთ. საბოლოო ჯამში ზუროსს ყაიმი გამოუვიდა, 5 მოგება და 5 წაგება.

მილტონ ჰეიგი - საქართველოს მორაგებთა ნაკრების მთავარი მწვრთნელი

Sportall.Ge

იმის მიუხედავად, რომ საქართველოს მორაგბეთა ნაკრებმა 9 შეხვედრა მოიგო და 3 წააგო, მილტონის კარიერაში ერთ-ერთი ურთულესი წელი იყო, მისმა ნაკრებმა გამოცდა, რომლისთვისაც ვემზადებოდით, ვერ ჩააბარა.

ჩვენმა ნაკრებმა სეზონი რაგბი ევროპის ჩემპიონატით გახსნა, ჯერ ბელგია გაანადგურეს 47:0 და არც გერმანია დაინდეს საკუთარ არენაზე - 64:0. მარტში ესპანეთთან საკმაოდ რთული შეხვედრა 23:10 მოვიგეთ, შემდეგ კი რუსეთი დავამარცხეთ მისსავე მიწაზე 29:9. ფინალურ მატჩში თბილისში რუმინეთის ნაკრებს ვძლიეთ (25:16) და კიდევ ერთხელ დავეუფლეთ რაგბი ევროპისა და ანთიმოზ ივერიელის თასს.

მაისში "ფრანგ ბარბაროსებთან" დაიგეგმა ამხანაგური, სადაც 16:15 მოვიგეთ. ივნისში ტონგას ვძლიეთ 16:15 და ამის შემდეგ ჩაატარა საქართველოს ნაკრებმა სამი ურთულესი შეხვედრა. ჯერ ფიჯისთან დავმარცხდით 15:37, შემდეგ იაპონიამ არ დაგვინდო 0:28 და ბოლოს ნანატრ იტალიასაც შევხდით ნოემბერში და 17:28 დავმარცხდით. წლის ბოლო ორ შეხვედრაში სამოა 27:19 დავამარცხეთ და შემდეგ ტონგას 20:9 ვძლიეთ.
მკითხველის კომენტარები / 91 /
კარგი სპეციალისტია
მილტონ ჰეიგი
25 დეკემბერი 2018 16:17
2
ერთმნიშვნელოვნად ვაისს ეკუტვნის საუკეთესო მწვრთნელის სტატუსი რადგან ისტორიაში პირველად მის ხელში მოგვეცა ევროპის ჩემპიონატზე მოხვედრის შანსი.
სოსო
25 დეკემბერი 2018 16:10
6
აქ ზუროსი უნდა ლიდერობდეს
მისგან საერთოდ მე ბევრს ველოდი და ველი სულ ისევე როგორც ყველა სხვა ადამიანი რომელიც კალათბურთს გულშემატკივრობს
მისგან ეს შედეგი ამ გუნდით და ამ სიტუაციაში უდიდესი გამოწვევა იყო და მან შეძლო ეს და გააკეტა
ამ ღვაწლით ის ჩვენ კალადბურთის დიდი სამოავლო წარმატებებს უყრის საფუძველს და ეს უნდ ადავინახოთ და დავაფასოთ
ვაისი ლიდერობს და ეს კიდე მეტად აკნინებს ამ ქვეყანაში სწორად შეფასების კულტურას სპორტში და საერთოდ პროფესიული კუთხით შეფასებები ყოველთვის თუ არა მეტწილად ცხელ გულზე წყდებოდა ხოლმე
მე არ ვფიქრობ რო ვაისია წლის მწვრთნელი
ეს ზუროსი უნდა იყოს მაგრამ მე ამას ვერ ვწყვეტ სამწუხაროდ ამ გადაწყვეტილების რაც აქ ჩანს აზრს ვერ ვხედავ ეს ის არარი რაც რეალობას ასახავს
ზუროსი
25 დეკემბერი 2018 16:06
2
1. ზუროსი, ფაქტიურად ახალი გუნდისაგან მაქსიმუმი გამოწურა, რასაც ყველაზე ოპტიმისტურად განწყობილი გულშემატკივარიც კი არ ელოდა.
2. ჰეიგი, შედარებით ნაკლებად სედეგიანი წელი ჰქონდა, მაგრამ მისი დამსახურება ახალგაზრდული გუნდის წარმატებაშიც გამოვლინდა. ნაკრები განვითარების სხვა სტადიაზე აიყვანა და მისი მუშაობის შედეგს მომავალი წლები დაგვანახებს. დაუშვებლად მიმაჩნია მისი საქართველოდან გაშვება.მომავალში თუნდაც რაგბის აკადემიის ხელმძღვანელად უნდა დატოვონ, თუ დათანხმდა.
3. ვაისს სამეულშიც არ შევიყვანდი. საშუალო დონის ფეხბურთის მწვრთნელებშიც კი გამოირჩევა თავისი ახირებებით(დვალიშვილი, კაჭარავა და ა.შ.) და მშიშრობით, მიღწევად კი ისეთ ჯგუფში გამარჯვებას ვუთვლით, სადაც უმწვრთნელოდაც უნდა ვიგებდეთ. მისი მწვრთნელობა ანდორასთან ფრედ დამთავრებულ შეხვედრაშიც გამოჩნდა. ჩემი აზრით სამეულში აუცილებლად უნდა იყოს საქართველოს ძალოსანთა ეროვნული ნაკრების მწვრთნელი,ასანიძე, ალბათ უფრო მწვრთნელთა ჯგუფი, ფედერაციის პრეზიდენტით დაწყებული და რიგითი მწვრთნელებით დამთავრებული. ტალახაძეზე არაა ლაპარაკი, გადახედეთ რა ახალგაზრდებს გვიზრდიან და მიხვდებით როგორი ღვაწლი მიუძღვით.
emigranti
25 დეკემბერი 2018 15:55
3
ვაისი
მაკა
25 დეკემბერი 2018 15:29
5
ზუროსი პირველ გუნდთან ერთად ახალგაზრდებსაც დიდ შანსებს აძლევს და მომავალ თაობას გვიზრდის
soso
25 დეკემბერი 2018 15:23
1
ქართული რაგბი არის ხალხისთვის თვალებში ნაცრის შეყრა დაიჭერენ რუმინეთს და რუსეთს გაავსებენ დინამოს ამღერებენ ჰიმნს და აუ რამაგრები ვართ რუსებს ვუგებთ რუსეთის ნაკრები რაგბში ისეთივეა როგორც ფეხბურთში სან-მარინო, ფედერაციაში კიდევ ღუნავენ ამ ფულებს იმ სვანიძეს ბაკულას ღორივით რომ აქვს ის კისერი ერთი და იგივე ადგილს ტკეპნიან, საერთოდ ყველა ფედერაციაში ბარდაგია მარა ამ შემთხვევაში სამწვრთნელო კლასის მიხედვით ზუროსს ეკუთვნის ეს ჯილდო იმიტომ რომ მართლა არაფრისგან ანგარიშგასაწევი ძალა შექმნა
hggj
25 დეკემბერი 2018 15:22
7
ტკეპნა ნამდვილად არარი
გაიხსენეთ რა მოხდა რაგბის ფედერაციაში როცა მთავრობა შეიცვალა
წავიდა ნიჟარაძე და ბევრი რამე რეგრესს განიცდის
არ არი ეს ტკეპნა რაც არ უნდა იყოს ზემოთ გუნდში მაინც არი დალაგებული სიტუაცია ბძოლა და ა.შ.
იტალიის მატჩი ჩვენთვის იყო ურთულესი მთლიანი გუნდი ლამის ტრავმიანი გვყავდა უამრავი პრობლემა დაერთო თან მატჩამდე პერიოდს და შედეგი არ იყო ის რასაც ველოდოთ ეს ჰეიგის ბრალიც იყო და იმისიც რო ვერაფერს იზამ როცა წამყვანი მოთამაშეები არ გყავს
იტალია სუსტია მაგრამ ჩვენ საშინლად სუსტები ვიყავით ასერო მე მაგალითად არ ვეთანხმები მოსაზრებას რო ერთ ადგილს ვტკეპნით
ვერა
26 დეკემბერი 2018 01:17
0
Zurosi dzalian dzlieria. Rom ara euroliga da travmebi darwmunebu liva germanias chamovitovebdit.
Poeta
25 დეკემბერი 2018 15:14
0
ვაისი
დიმა
25 დეკემბერი 2018 15:09
4
შედეგი ყველაფერზე ლაპარაკობს
მირო
25 დეკემბერი 2018 15:00
0
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული