ქართველმა ძიუდოისტებმა წინაზე ცუდი შედეგი დააფიქსირეს - რა შანსი გვაქვს გუნდურში და შესაძლო ნახევარფინალი საფრანგეთთან

2024 წლის პარიზის ოლიმპიადაზე ინდივიდუალური ასპარეზობის შემდეგ 3 აგვისტო ძიუდოში გუნდურ შეჯიბრებას დაეთმობა. საქართველოს ნაკრებს, მინიმუმ, ბრინჯაოს მედლისთვის ბრძოლა ნამდვილად შეუძლია. გურამ თუშიშვილის დისკალიფიკაციის გამო, ილია სულამანიძეს ასპარეზობა ყველაზე მაღალ წონაში (+90 კგ) მოუწევს.

მანამდე გეტყვით, რომ ინდივიდუალური ასპარეზობა 1 ოქროსა და 2 ვერცხლის მედლით დავასრულეთ, რაც წინა ოლიმპიადასთან შედარებით, ერთი ვერცხლით ნაკლებია.

წინა გუნდური შეჯიბრების გამარჯვებული - საფრანგეთი



ტოკიოს ოლიმპიადის გუნდურ ტურნირზე საფრანგეთის ნაკრებმა იაპონიას ფინალში (4:1) აჯობა, გერმანიამ და ისრაელმა კი ბრინჯაოს მედლები მოიპოვეს. მაშინ საქართველოს ნაკრები გუნდურში ვერ მონაწილეობდა, რადგან ქალთა კვოტაში (3 ქალი) საკმარისი ლიცენზიები არ გვქონდა.

3 აგვისტოს ჩვენი ეროვნული გუნდი პირველ წრეში ისვენებს და საქმეში პირდაპირ მერვედფინალიდან ჩაერთვება, სადაც იტალიასა და უნგრეთს შორის გამარჯვებულს დაუპირისპირდება. გუნდური შეჯიბრება ჩვენი დროით 10:00 საათზე დაიწყება. მერვედფინალიდან იასპარეზებენ უზბეკეთისა და კანადის ნაკრებები. თუკი ლაშა გუჯეჯიანის გუნდი მომდევნო ეტაპზე გავა, სწორედ ამ წყვილში საუკეთესოს შეეჯიბრება.

ოქროს მედალი მხოლოდ ბექაურმა მოიპოვა...



ნახევარფინალში გასვლის შემთხვევაში, დიდი შანსია, იქ საფრანგეთის ნაკრებს გადავეყაროთ. რაც შეეხება ფინალში გასვლისთვის მებრძოლ მეორე წყვილს, ლოგიკურად, იაპონიას გერმანია ან ბრაზილია უნდა დაუპირისპირდეს.

ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..

თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]