13 სექტემბერს, მოჭადრაკე ვაჟთა მსოფლიოს თასის გათამაშების მე-4 წრის მეორე ტურის რვა შეხვედრიდან მხოლოდ ორი აღმოჩნდა შედეგიანი, ექვსი პარტია კი ყაიმით დასრულდა. ბაადურ ჯობავამ ვესლი სოსთან (აშშ) ვერც განმეორებით პაექრობაში მიაღწია უპირატესობას და მეტოქეები 54-ე სვლაზე დაზავდნენ. მათ შორის უძლიერესი დღეს ტაიბრეიკმა უნდა დაასახელოს: ჯერ ორ 25-წუთიან პარტიას (ყოველ სვლაზე 10-10 წამის დამატებით) ითამაშებენ, შემდეგ, თუ საჭირო გახდა - 10-10-წუთიანსა (ყოველ სვლაზე 10-10 წამი) და ხუთ-ხუთწუთიან (3-3 წამის დამატებით) პარტიებში დაუპირისპირდებიან ერთმანეთს.
ყველაფერ ამას არმაგედონი (მოსაგებად თეთრებს ხუთი, შავებს ოთხი
გუშინ ასევე ქულა გაიყვეს და ანგარიში თანაბარია ბუ სიანჭი (ჩინეთი)-პიოტრ სვიდლერის (რუსეთი), მაქსიმ ვაშიე-ლაგრავი (საფრანგეთი)-ალექსანდრ გრიშჩუკის (რუსეთი), რიჩარდ რაპორტი (უნგრეთი)-ევგენი ნაიერის (რუსეთი) შეხვედრებში. მეორე კლასიკურ პარტიაში მაქსიმ როდშტეინმა (ისრაელი) შავებით ვლადიმირ ფედოსეევს (რუსეთი) აჯობა და წონასწორობა აღადგინა.
ორი პარტიის შემდეგ მეხუთე წრეში, ანუ მეოთხედფინალში გავიდნენ: ვასილი ივანჩუკი (უკრაინა), ლევონ არონიანი (სომხეთი) და დინ ლიჟენი (ჩინეთი), რომლებმაც ერთნაირი ანგარიშით - 1.5:.5 აჯობეს, შესაბამისად, ანიშ გირის (ჰოლანდია), დანიილ დობოვსა (რუსეთი) და ვან ჩაოს (ჩინეთი).
ხუთი მეოთხედფინალისტის ვინაობა დღეს ტაიბრეიკების შემდეგ გახდება ცნობილი.
ყოველდღიური სპორტული გაზეთი "ლელო"
