თბილისის "დინამოს" წყალბურთელთა გუნდმა ჩემპიონთა ლიგის ჯგუფური ეტაპის მეათე ტურში "მარსელი" თბილისის "ოლიმპიკის" აუზში 15:12 დაამარცხა.
ეს ტურნირზე ჩვენი გუნდის პირველი და ისტორიული გამარჯვებაა.
პირველ წრეში "დინამოს" "მარსელმა" 17:7 მოუგო, საპასუხო შეხვედრა კი კორონავირუსის გამო მაყურებლების გარეშე ჩატარდა.
ჩვენი გუნდიდან გოლები ქავთარაძემ (3), ვაპენსკიმ (3), იელაჩამ (3), ბარალდიმ (2), იმნაიშვილმა, შუშიაშვილმა, რურუამ და მაგრაქველიძემ გაიტანეს.
"დინამო" 1 მოგებით კვლავ ბოლო, მე-8 ადგილზე და 10 მარტს ბუდაპეშტში "ფერენცვაროშს" შეხვდება.