გერმანული პრესის ინფორმაციით, მალე "ფერარის" შემადგენლობაში სერიოზული ცვლილებები მოხდება.იტყობინებიან, რომ "ლოტუსის" პილოტი კიმი რაიკონენი უახლოესი ორი დღის განმავლობაში გააფორმებს კონტრაქტს "ფერარისთან". მხარეებმა წინასწარ შეთანხმებას მიაღწიეს, რომელიც, საბოლოოდ, უახლოეს პერიოდში დადასტურდება. გარიგების დეტალები არ ხმაურდება.
გარდა ამისა, აღნიშნული ინფორმაციიდან გამომდინარე, დიდი ალბათობით შეიძლება ვივარაუდოთ ფერნანდო ალონსოს წასვლა "სკუდერიადან". არსებული ცნობის თანახმად, ესპანელი "ლოტუსში" შეცვლის რაიკონენს.
"ალონსო? ეს საინტერესო ვარიანტი იქნებოდა. თუ მოისურვებს, სიამოვნებით გავუღებ ჩემი გუნდის კარს ფერნანდოს. იმედია, ჩვენ გვექნება ასეთი ფუფუნების საშუალება", - განაცხადა "ლოტუსის" ხელმძღვანელმა ერიკ ბულიემ.
ასევე იხილეთ:
იტალიის გრანპრი: სებასტიან ფეტელი ისევ დომინირებს
