ორი დღის წინათ, მარბურგში გაიხსნა გამოფენა, რომლის სახელწოდებაა "მიხაელ შუმახერი - რეკორდსმენი ტიტულების რაოდენობით". ის მიეძღვნა ლეგენდარული გერმანელი პილოტისა და გერმანული კომპანია DVAG-ის ურთიერთობის 20-წლიან იუბილეს. ექსპოზიცია განთავსებულია კონგრეს-ცენტრის შენობაში და ორი წლის განმავლობაში იმუშავებს.
გახსნის ცერემონიას ესწრებოდნენ მიხაელის მეუღლე კორინა შვილებთან - ჯინა-მარიასთან და მიკთან ერთად, პილოტის მამა როლფი და მენეჯერი საბინა კემი.
ამ უკანასკნელმა, სიტყვით გამოსვლისას იმედი გამოთქვა, რომ შუმახერი აღიდგენს ჯანმრთელობას უმძიმესი ტრავმის შემდეგ, რომელიც 2013 წლის დეკემბერში თხილამურებით სრიალისას მიიღო.
"ის არის ყველაზე წარმატებული პილოტი ისტორიაში.
ყოველდღიური სპორტული გაზეთი "ლელო"
