რალიში მსოფლიოს ჩემპიონატის მორიგი ეტაპი მექსიკაში გაიმართა და ტრადიციულად, იქაურ გზებზე მსოფლიოს მოქმედი ჩემპიონი სებასტიან ლოები დომინირებდა. მსოფლიოს რვაგზის ჩემპიონმა ზედიზედ მეექვსედ გაიმარჯვა მექსიკის რალიზე. ფრანგმა პარასკევსა და შაბათს ხუთი სპეცმონაკვეთიდან სამი მოიგო და ბოლო დღის წინ 36 წამით უგებდა უახლოეს მდევარს - მიკო ჰირვონენს.
ლოებს კვირას სეროიზული წინააღმდეგობა შეხვდა, რადგან მორიგი ოთხი სპეცმონაკვეთიდან მხოლოდ ერთში დააფიქსირა საუკეთესო დრო. მაგრამ ბოლოსკენ ლოებმა ისევ მოიმატა და კიდევ უფრო გაზარდა უპირატესობა ჰირვონენთან.
საბოლოოდ, სებასტიანმა მექსიკის რალი 42-წამიანი უპირატესობით მოიგო. შესაბამისად, ლოებმა გაზარდა
მაშ ასე, მექსიკის რალიზე პირველი ორი ადგილი "სიტროენის" წევრებმა მოიპოვეს. შემდეგ მოდის “ფორდის” სამი პილოტი. შიდაგუნდურ ბრძოლაში უფრო უკეთ პეტერ სოლბერგი გამოიყურებოდა და მან მესამე ადგილზე დაასრულა რალი. ნორვეგიელმა თანაგუნდელ ოსტბერგს თითქმის სამი წუთი მოუგო. ამით სოლბერგმა შეინარჩუნა საერთო ჩათვლაში მესამე ადგილი.
არ გაუმართლა ჩემპიონატის ერთ-ერთ ფავორიტს იარი-მატი ლატვალას, რომელმაც ვერ დაასრულა მექსიკის რალი და ამის გამო დაკარგა მეოთხე ადგილი გენერალურ კლასიფიკაციაში. მას ოსტბერგმა გაუსწრო.
III ეტაპი. მექსიკის რალი
1. სებასტიან ლოები (საფრანგეთი, "სიტროენი") - 4:15.32,7; 2. მიკო ჰირვონენი (ფინეთი, "სიტროენი") - +42,4; 3. პეტერ სოლბერგი (ნორვეგია, "ფორდი") - +2.11,4; 4. მადს ოსტბერგი (ნორვეგია, "ფორდი") - +4.51,5; 5. ოტ ტანაკი (ესტონეთი, "ფორდი") - +5.02,6; 6. ნასერ ალ-ატიია (კატარი, "სიტროენი") - +6.41,4; 7. არმანდუ არაუჟუ (პორტუგალია, "მინი") - +12.46,9; 8. სებასტიან ოჟიე (საფრანგეთი, "შკოდა") - +14.57,8; 9. კენ ბლოკი (აშშ, "ფორდი") - +22.26,8; 10. რიკარდო ტრივინო (მექსიკა, "ფორდი") - +23.30,7...
საერთო ჩათვლა
1. სებასტიან ლოები (საფრანგეთი, "სიტროენი") - 66 ქულა; 2. მიკო ჰირვონენი (ფინეთი, "სიტროენი") - 50; 3. პეტერ სოლბერგი (ნორვეგია, "ფორდი") - 47; 4. მადს ოსტბერგი (ნორვეგია, "ფორდი") - 28; 5. იარი-მატი ლატვალა (ფინეთი, "ფორდი") - 26; 6. ევგენი ნოვიკოვი (რუსეთი, "ფორდი") - 21; 7. დანიელ სორდო (ესპანეთი, "მინი") - 18; 8. ოტ ტანაკი (ესტონეთი, "ფორდი") - 14; 9. ნასერ ალ-ატიია (კატარი, "სიტროენი") - 8; 10. ფრანსუა დელეკური (საფრანგეთი, "ფორდი") - 8...
ყოველდღიური სპორტული გაზეთი "ლელო"
