"დაკარზე", როგორც იქნა, პირველი სრულფასოვანი ეტაპი ჩატარდა. და ლეგენდარულ ავტომარათონზე პირველი გამარჯვება მოიპოვა ლეგენდარულმა ფრანგმა, კლასიკურ რალიში მსოფლიოს ცხრაგზის ჩემპიონმა სებასტიან ლოებმა, რომელიც "პეჟოს" მანქანით ასპარეზობს.ლოების დებიუტი "დაკარზე" - ერთ-ერთი მთავარი ინტრიგა იყო წლევანდელ რბოლაში. და ფრანგმა ბრწყინვალედ დაიწყო გამოსვლა. მან დისტანცია 3 საათში, 45 წუთში და 46 წამში დაფარა.
ეს დრო მოტოციკლების კლასში გამარჯვებულის შედეგსაც კი აღემატებოდა, არადა, ავტომორბილებისთვის დისტანცია უფრო გრძელი იყო. მეორე ადგილზე თითქმის ორწუთნახევრიანი ჩამორჩენით "დაკარის" 11-გზის გამარჯვებული სტეფან პეტერანსელი გავიდა.
ასევე აღვნიშნავთ კლასიკური რალის
მოტოციკლების კლასში, ჯერჯერობით, უსენსაციოდ მიდის ყველაფერი. მეორე ეტაპი მოიგო KTM-ის ერთ-ერთმა ლიდერმა, ავსტრალიელმა ტობი პრაისმა. მისი დრო იყო - 3 საათი, 46 წუთი და 24 წამი. პორტუგალიელმა რუბენ ფარიამ Husqvarna-ს მოტოციკლით 20 წამი წააგო გამარჯვებულთან.
ყოველდღიური სპორტული გაზეთი "ლელო"
