გუშინ საფრანგეთის ქალაქ ლილში გაიმართა დევისის თასის ფინალური მატჩის წილისყრა, რომლითაც დადგინდა ჩოგბურთელთა კორტზე გასვლის გრაფიკი. შეგახსენებთ, რომ თასისთვის საფრანგეთისა და შვეიცარიის ნაკრებები იბრძოლებენ.დღეს პირველები კორტზე ჟო-ვილფრიდ ცონგა და სტანისლას ვავრინკა გავლენ. შემდეგ ერთმანეთს შეხვდებიან გაელ მონფილსი და როჯერ ფედერერი.
შაბათს გაიმართება წყვილთა მატჩი: ჟულიან ბენეტო/რიშარ გასკე-მარკო ჩიუდინელი/მიხაელ ლამერი.
კვირას ასეთი განრიგია: ჟო-ვილფრიდ ცონგა-როჯერ ფედერერი და გაელ მონფილსი-სტანისლას ვავრინკა.
ფრანგებმა ფინალისთვის გრუნტის საფარი აირჩიეს.
ყოველდღიური სპორტული გაზეთი "ლელო"
