ქალ ჩოგბურთელთა ასოციაციამ 2014 წლის საუკეთესო ჩოგბურთელად ამერიკელი სერენა უილიამსი დაასახელა. ეს სრულიად ლოგიკური გადაწყვეტილებაა, რადგან უმცროსმა უილიამსმა შეინარჩუნა ლიდერობა კლასიფიკაციაში, მოიგო "დიდი სლემის" მე-18 ტიტული და გაიმარჯვა WTA-ს შემაჯამებელ ტურნირზე. სერენამ უკან ჩამოიტოვა სხვა კონკურენტები - მარია შარაპოვა, სიმონა ჰალეპი, ანა ივანოვიჩი, პეტრა კვიტოვა და ნა ლი.გარდა ამისა, 20 წლის კანადელი ეჟენი ბუშარი წლის ყველაზე პროგრესირებად მოთამაშედ დაასახელეს. ამ ნომინაციაში მან გაუსწრო კაროლინა პლიშკოვას, კაროლინ გარსიას, კოკო ვანდევეგესა და კეისი დელაკუას.
32 წლის მირიანა ლუჩიჩ-ბარონი "წლის დაბრუნებად" მონათლეს.
ამასობაში, ცნობილი გახდა აშშ-ის ღია პირველობის მთავარ კორტზე მოძრავი სახურავის დამონტაჟების თარიღი. გეგმის მიხედვით, არტურ ეშის სახელობის კორტზე მიმდინარე სამუშაოები 2016 წლის მაისისთვის უნდა დასრულდეს.
ამ მომენტისთვის უკვე აღმართულია 24-დან ორი 45-მეტრიანი რკინის სვეტი, რომელიც სახურავის საფუძველი უნდა გახდეს.
ყოველდღიური სპორტული გაზეთი "ლელო"
![როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]](/pictures/image7/7984e9b957b89cb092af0bfb1ffc0f33.jpg "როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი \"ინტერ მაიამიში\" [VIDEO]")
