ანტალიაში ჩოგბურთელ ქალთა 10.000-იან ტურნირში 14 წლის თბილისელმა ანა შანიძემ კიდევ ერთი ნაბიჯით წაიწია წინ: 14 აპრილს, ერთეულთა თანრიგში მან შვეიცარიელი დანიელა ვუკოვიჩი იოლად დაამარცხა - 6:0, 6:1, არადა, ამ უკანასკნელმა სტარტზე მესამე ნომრად განთესილი სილვია ჟირიჩი (ხორვატია) ჩამოიშორა გზიდან. მეოთხედფინალში ჩვენებური დანა კრემერს (გერმანია) შეხვდება. ალემანმა მერვედფინალში ნატალია ვაიდოვას პირველი სეტი 6:2 მოუგო; მეორეში 4:2 რომ დაწინაურდა, მეტოქემ ორთაბრძოლის გაგრძელება ვეღარ შეძლო.
წყვილებში გუშინ გაირკვა შანიძისა და ანასტასია გასანოვას (რუსეთი) მეტოქე: ნახევარფინალში ისინი ასპარეზობის რეიტინგფავორიტების - ფატმა ალ ნაბჰანისა
პირველ ნომრად განთესილებს სილვია ჟირიჩი (ხორვატია) და ნატალია ვაიდოვა (სლოვაკეთი) არ გამოუცხადდნენ, რადგან ამ უკანასკნელმა კრემერთან შეხვედრისას ტრავმა მიიღო. მეორე ნახევარფინალში ითამაშებენ: ბიბიენ ვეიჯერსი (ჰოლანდია), ალინა ვესელი (გერმანია)-ემილი არბუთნოტი, ჰერიეთ დარტი (ორივე - დიდი ბრიტანეთი).
* * *
სტამბოლის 50.000-იან ტურნირში ასპარეზობა დაასრულა სოფიო შაფათავამ: წყვილებში იგი უკრაინელ ანასტასია ვასილიევასთან ერთად ნიგინა აბდურაიმოვა (უზბეკეთი)-ბარბორა სტეფკოვას (ჩეხეთი) ტანდემთან დამარცხდა - 6:7, 2:6, წინა დღით კი ერთეულთა ასპარეზობას გამოეთიშა.(იბეჭდება მცირე ცვლილებით)
ყოველდღიური სპორტული გაზეთი "ლელო"
