საქართველოს პირველი ჩოგანი სოფიო შაფათავა (235) გუანჯოუს WTA-ს ტურნირს მერვედფინალში დაემშვიდობა. ჩვენებურის მეტოქე მე-3 ნომრად განთესილი ხორვატი ანა კონიუჰი (54) იყო, ვისთანაც შაფათავა ორ სეტში დამარცხდა - 1:6, 6:7 (2:7). შაფათავამ ამ ტურნირზე 48 ქულა მიიღო (30 მერვედფინალისთვის, 18 საკვალიფიკაციოს მოგებისთვის). შეგახსენებთ, რომ ქართველმა ჩოგბურთელმა ჯერ საკვალიფიკაციო ბადე გადალახა, შემდეგ კი პირველ წრეში მსოფლიო რეიტინგის ასეულის წევრ ვანია კინგს მოუგო.
