უკრაინელი ვლადიმერ კლიჩკო და რუსი ალექსანდრ პოვეტკინი საჩემპიონო ბრძოლას მოსკოვში ჩაატარებენ. ამის შესახებ განაცხადა რუსი მოკრივის პრომოუტერმა ვლადიმერ ხრიუნოვმა.ამ ბრძოლის უფლებაზე ვაჭრობა 23 აპრილს, პანამაში გაიმართა. ხრიუნოვმა რუსი ბიზნესმენის ანდრეი რიაბინსკის დახმარებით 23 მილიონი დოლარი გადაიხადა. პრომოუტერულმა კომპანია K2 Pormotion-მა, რომელიც კლიჩკოებს ეკუთვნით, მხოლოდ 7.1 მილიონი დოლარი წარმოადგინა, ხოლო კომპანია Sauerland Event-მა, რომელიც პოვეტკინის ინტერესებს წარმოადგენს გერმანიაში, ექვსი მილიონი დოლარი გაიმეტა.
მომავალ ბრძოლაში ჰონორარი შემდეგნაირად განაწილდება - 75 პროცენტი ერგება კლიჩკოს და 25 პროცენტი - პოვეტკინს.
როგორც რუსული პრესა
ამ საჩემპიონო შეხვედრამდე, კლიჩკოსა და პოვეტკინს თითო ბრძოლა ელით. უკრაინელი 4 მაისს დაუპირისპირდება იტალიელ ფრანჩესკო პიანეტას, რუსი კი 17 მაისს შეხვდება პოლონელ ანჯეი ვავჟიკს.
შეგახსენებთ, რომ კლიჩკოს ეკუთვნის სუპერმძიმე წონაში WBA-ის “სუპერჩემპიონის” ტიტული, აგრეთვე საჩემპიონო ქამრებს ფლობს IBF-სა და WBO-ის ვერსიით. ხოლო პოვეტკინი WBA-ის ვერსიით მსოფლიოს “ჩვეულებრივი” ჩემპიონია. სწორედ ამ კომპანიამ დაავალდებულა კლიჩკო 31 აგვისტოს პოვეტკინს შეხვედროდა.
ყოველდღიური სპორტული გაზეთი "ლელო"
ასევე იხილეთ:
ვლადიმერ კლიჩკო რიოზე ფიქრს არ ეშვება
