ყაზახეთის ყოფილ დედაქალაქ ალმათიში 14 ოქტომბერს დაიწყო მსოფლიოს ჩემპიონატი კრივში, რომელშიც, როგორც გაუწყეთ, საქართველოს 8 წარმომადგენელი მონაწილეობს. ასპარეზობის სტარტზე ჩვენებურთაგან პირველი გავიდა რინგზე 91 კილოგრამი წონითი კატეგორიის მოკრივე ლევან გულედანი (თბილისი), რომელიც ტაჯიკ იახონ ყურბანოვს დაუპირისპირდა.
ორთაბრძოლა სამ რაუნდს გაგრძელდა. სამივე არბიტრმა (არგენტინელი ჟერარდო პოჯი, ფინელი ალან როოსი, გერმანელი მიხალ არადოვსკი) უპირატესობა ჩვენებურს მიანიჭა - 3:0. მეორე წრეში, 18 ოქტომბერს გულედანი იტალიელ კლემენტი რუსოსთან გაარკვევს ურთიერთობას. ეს უკანასკნელი ამ წონაში მე-4 ნომრადაა განთესილი და 14 ოქტომბერს ისვენებდა.
ასპარეზობის პირველ დღეს
15 ოქტომბერს პირველ ბრძოლას გამართავს ფოთელი გიორგი გოგატიშვილი (60 კგ). მისი მეტოქეა დანიელიტო დე ლა როსა (პუერტო-რიკო). გამარჯვების შემთხვევაში, 20 ოქტომბერს ბერიკ აბდრახმანოვს (ყაზახეთი) შეხვდება, რომელიც ამ წონის რეიტინგში მეექვსე ნომერია.
ყოველდღიური სპორტული გაზეთი "ლელო"
![ბაქო 2015: სალომე ფაჟავას ამბორი [VIDEO]](/pictures/image7/22c204074a81d63580c2b4dfdc01aeba.jpg "ბაქო 2015: სალომე ფაჟავას ამბორი [VIDEO]")
