ოფიციალურად გახდა ცნობილი, რომ პროფესიულ რინგზე დაუმარცხებელი ამერიკელი ფლოიდ მეივეზერი 3 მაისს, ლას ვეგასში არგენტინელ მარკოს მაიდანას შეხვდება.37 წლის მეივეზერი ნახევრად საშუალო წონაში WBC-ის ჩემპიონია, 30 წლის მაიდანა კი WBA-ს ტიტულს ფლობს. მათ შორის ბრძოლა სწორედ ამ ტიტულების გამაერთიანებელი იქნება.
შეგახსენებთ, რომ ფლოიდ მეივეზერი რამდენიმე თვის განმავლობაში ირჩევდა მომდევნო ბრძოლისთვის მოწინააღმდეგეს და საკუთარ ოფიციალურ ვებ-გვერდზე ხმის მიცემის მეშვეობით შესთავაზა საკუთარ გულშემატკივრებს მეტოქის არჩევა. მაშინ ამერიკელმა ფანებს ორი კანდიდატურა წარუდგინა - ბრიტანელი ამირ ჰანი და მარკოს მაიდანა.
"მოხარული ვარ, რომ
"მაიდანას ბოლო ბრძოლამ მაიძულა, მისთვის ყურადღება მიმექცია, - განაცხადა მეივეზერმა. - ვფიქრობ, ბრწყინვალე ბრძოლა გამოვა. მაიდანა ძალიან ტექნიკურია და მისგან ნებისმიერ მომენტში შეიძლება ხიფათს ელოდო".
ყოველდღიური სპორტული გაზეთი "ლელო"
![ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]](/pictures/image7/49b98128a1ee5f1e39567368eb308bea.jpg "ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]")
