სოფიაში 19 ივლისს დამთავრდა წყალმხტომელთა საერთაშორისო ტურნირი, რომელშიც 13 ქვეყნის (ავსტრალია, რუსეთი, უკრაინა, გერმანია, ეგვიპტე, სერბეთი, თურქეთი, რუმინეთი, ავსტრია, ბულგარეთი, საქართველო, ლატვია, ლიტვა) წარმომადგენლები ცდიდნენ ძალებს. 19-წლამდელთა შორის 10-მეტრიანი კოშკურიდან ხტომაში ალექსანდრე გუჯაბიძემ (იგი ცნობილი ალპინისტის, ორგზის "თოვლის ჯიქის" - ბიძინა გუჯაბიძის ვაჟია) 369 ქულით მესამე ადგილი დაიკავა და ბრინჯაოს მედალი დაიმსახურა.
415 ქულით პირველი იყო რუსი ნესტორ მენდეგი, ხოლო 403 ქულით მე-2 ადგილი მასპინძელ ბოიარ სავოვს ერგო.
სამმეტრიანი ტრამპლინიდან ხტომაში გუჯაბიძემ მე-5 ადგილი დაიკავა, 16-წლიანებში თამარ სიჭინავა მე-6 ადგილით
24-26 ივლისს ჩვენი სპორტსმენები, ირაკლი ბართაიას ხელმძღვანელობით, რომის საერთაშორისო ტურნირში იასპარეზებენ.
ყოველდღიური სპორტული გაზეთი "ლელო"
