ფედერალურმა მოსამართლემ უარი თქვა ყოფილი ველომრბოლის ლენს არმსტრონგის საქმის შეწყვეტაზე. ამ საქმეში აგრეთვე გადის კომპანია Tailwind Sports, რომელიც ველოსაჯინიბო US Postal-ს ფლობდა.სარჩელი 2010 წელს, ამერიკის შეერთებული შტატების მთავრობამ შეიტანა მას შემდეგ, რაც გამოვლინდა არმსტრონგის მხრიდან დოპინგის გამოყენების ფაქტები. სახელმწიფოს აზრით, ველომრბოლი კომპანია US Postal Service-ის მიმართ თაღლითობით იყო დაკავებული, რადგან აქტიურად მალავდა გუნდში ანტისადოპინგო წესების დარღვევის ფაქტებს.
არმსტრონგის ადვოკატები ამტკიცებდნენ, რომ სახელმწიფო არ დაზარალებულა, რადგან სპონსორობიდან უფრო მეტი მიიღო, ვიდრე გუნდში კონტრაქტის მიხედვით ჩადებული თანხა (32.3 მილიონი) იყო.
მაგრამ
მოსამართლის გადაწყვეტილება ნიშნავს, რომ აშშ-ის კანონების თანახმად, მთავრობას შეუძლია მოითხოვოს არმსტრონგისგან და Tailwind Sports-სგან თანხა, რომელიც სამჯერ აღემატება კონტრაქტის ოდენობას - 96.8 მილიონი დოლარი.
ყოველდღიური სპორტული გაზეთი "ლელო"
