ვიდრე ჩვენი მძიმეწონოსანი მიხეილ ბახტიძე (+91) გავიდოდა რინგზე, ჩვენი მოკრივეების წინასწარი შეხვედრების ბალანსი სამი მოგება და სამი წაგება იყო. ასეთ სიტუაციაში საქართველოს ნაკრების მთავარმა მწვრთნელმა დავით წიკლაურმა შეფასებისგან თავი შეიკავა. ეტყობოდა ბახტიძის იმედი ჰქონდა და მანაც გაუმართლა - 3:0 სძლია უკრაინელ ვლადისლავ სირენკოს.
ქართველი განსაკუთრებით აქტიური იყო მე-2 და მე-3 რაუნდებში. შეხვედრის დამთავრებამდე ცოტაღა რჩებოდა, როცა ბახტიძის ერთ-ერთი ეფექტური შეტევა მძლავრი დარტყმით დასრულდა და უკრაინელს ექიმის დახმარება დასჭირდა.
ამ ორთაბრძოლის შემდეგ პრესკონფერენციის ოთახში ჩავედი და ასეთ სცენას შევესწარი: უკრაინელი მოკრივე
ბახტიძემდე ორთაბრძოლა ჩაატარა ბადრი ხარძიანმა (75 კგ). მისი მეტოქე საკმაოდ ძლირი მოკრივე, ბელარუსი ვიტალი ბანდარენკა იყო. სამწუხაროდ, ეს პაექრობა ჩვენმა მოკრივემ მშრალად წააგო - 0:3.
ვნახოთ, როგორ გამოიყენებენ ქართველი მოკრივეები წინსვლის შანსს. ასპარზობა 27 ივნისის ჩათვლით გაგრძელდება.
თენგიზ გაჩეჩილაძე ბაქოდან
ყოველდღიური სპორტული გაზეთი "ლელო"
