22 ივნისს, მძლეოსანთა ასპარეზობის მეორე დღეს ჩვენი ათლეტებიდან წარმატებით გამოვიდა ვალენტინა ლიაშენკო, რომელმაც სიმაღლეზე ხტომაში 184 სმ დაძლია და მეორე ადგილზე გავიდა - გამარჯვებულს 2 სმ-ით ჩამორჩა. რაკი ეს შეჯიბრება გუნდურია, ლიაშენკომ ჩვენი მძლეოსნების ყულაბა 13 ქულით შეავსო.
ამდენივე ქულა დაიმსახურა ნიკა კარატავცევმა, რომელმაც ასევე მეორე ადგილი დაიკავა. 200 მეტრზე რბენაში მისი შედეგია 21.29 წ (პირველი ადგილი - 2.18).
უნდა აღინიშნოს როსტომ ჭინჭარაულის ბრწყინვალე გამოსვლა შუბის ტყორცნაში - 71.32 მ (გამარჯვებულის შედეგია - 74.81).
ჩვენი მძლეოსნები 283 ქულით გუნდურ მერვე ადგილზე გავიდნენ მონაწილე 14 ქვეყნიდან. სამეული ასე გამოიყურება: 1. სლოვაკეთი - 458,5 ქულა, 2. ავსტრია - 458, 3. ისრაელი - 430.
თენგიზ გაჩეჩილაძე ბაქოდან
ყოველდღიური სპორტული გაზეთი "ლელო"
