2022 წლის ზამთრის ოლიმპიურ და პარალიმპურ თამაშებს პეკინი უმასპინძლებს

AutoSharing Option
2022 წლის ზამთრის ოლიმპიურ და პარალიმპიურ თამაშებს პეკინი უმასპინძლებს.

ეს არჩევანი 31 ივლისს, საერთაშორისო ოლიმპიური კომიტეტის 128-ე სესიაზე გაკეთდა და ამრიგად, ჩინეთის დედაქალაქი პირველია, რომელიც ზაფხულის ოლიმპიადის მასპინძლობის შემდეგ, ზამთრის თამაშებსაც მიიღებს.

პეკინს მასპინძლობის უფლების მოპოვებაში ყაზახეთის ალმათი ეცილებოდა. საბოლოოდ ყველაფერი 4-მა ხმამ გადაწყვიტა (44 ხმა 40-ის წინააღმდეგ).

საგულისხმოა, რომ ხმისმიცემის დროს მწყობრიდან გამოვიდა ახალი ელექტრონული სისტემა და აღმასკომის წევრებს არჩევანის გაკეთება საბოლოოდ არა პლანშეტური კომპიუტერებით, არამედ ბიულეტენებით მოუხდათ.

2022-ს ზამთრის ოლიმპიური თამაშების მასპინძლობაზე ბრძოლას ნაადრევად სხვადასხვა მიზეზით ჩამოშორდნენ ნორვებიული
ოსლო, პოლონური კრაკოვი, შვედური სტოკჰოლმი და უკრაინული ლვოვი.

შეგახსენებთ, რომ 2018 წლის ზამთრის თამაშებს სამხრეთკორეული პიონგჩანგი უმასპინძლებს.
ტეგები:
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული