რიო დე ჟანეიროში ევროპის ოლიმპიური კომიტეტების ხელმძღვანელი პატრიკ ჰიკი დააკავეს. როგორც "ბი-ბი-სი" იტყობინება, ის ოლიმპიადის ბილეთების გადამყიდველისთვის უკანონო გადაცემაშია ეჭვმიტანილი.პოლიციის განცხადებით, პატრიკ ჰიკმა, რომელიც ასევე ირლანდიის ოლიმპიური კომიტეტის ხელმძღვანელის პოსტს იკავებს, დაკავების დროს ადგილიდან მიმალვა სცადა.
ევროპის ოლიმპიური კომიტეტები - საერთაშორისო ორგანიზაციაა, რომელიც რამდენიმე ათეულ ევროპულ ოლიმპიურ კომიტეტს აერთიანებს.
