ფიდეს აპრილის რეიტინგი: ნანა ძაგნიძე ათეულს დაუბრუნდა

წინა თვის შედეგების გათვალისწინებით, ფიდემ აპრილისთვის მოჭადრაკე ქალ-ვაჟთა მსოფლიო რეიტინგები გამოაქვეყნა. ქალთა საუკეთესო ათეულს დაუბრუნდა ნანა ძაგნიძე.

2649 პუნქტით ასეულის სათავეშია ჩინელი მსოფლიოს ექსჩემპიონი ჰოუ იფანი. თანამემამულეს 53 პუნქტით ჩამორჩება 2015-16 წლების ფიდეს გრან პრის გამარჯვებული ცზიუ ვენძიუნი. ათეულში შემდეგ მოდიან: მსოფლიოს ჩემპიონატის წლევანდელი ფინალისტი ანა მუზიჩუკი (უკრაინა, 2587), ჰამპი კონერუ (ინდოეთი, 2557), მარია მუზიჩუკი (უკრაინა, 2546), კატერინა ლაგნო (რუსეთი, 2543), ალექსანდრა კოსტენიუკი (რუსეთი, 2541), ვიქტორია ჩმილიტე (ლიტვა, 2538), ნანა ძაგნიძე (2528), ანტოანეტა სტეფანოვა (ბულგარეთი, 2527).

ქალთა საუკეთესო ასეულში, ძაგნიძის გარდა, კიდევ ექვსი ქართველი დიდოსტატია: 15. ნინო ბაციაშვილი (2496), 23. ლელა ჯავახიშვილი (2456), 36. ბელა ხოტენაშვილი (2445), 62. ნინო ხურციძე (2400), 63. სალომე მელია (2400), 92. მერი არაბიძე (2373).

ვაჟთა კლასიფიკაციის პირველ ასეულში მხოლოდ ერთი წარმომადგენელი გვყავს - ბაადურ ჯობავა, რომელიც 2712 პუნქტით 35-ე ადგილზეა.

ათეულში არიან: მაგნუს კარლსენი (ნორვეგია, 2838), ვესლი სო (აშშ, 2822), ფაბიანო კარუანა (აშშ, 2817), ვლადიმირ კრამნიკი (რუსეთი, 2811), მაქსიმ ვაშიე-ლაგრავი (საფრანგეთი, 2803), ჰიკარუ ნაკამურა (აშშ, 2793), ვიშვანათან ანანდი (ინდოეთი, 2786), სერგეი კარიაკინი (რუსეთი, 2783), ლევონ არონიანი (სომხეთი, 2774), შაჰრიარ მამედიაროვი (აზერბაიჯანი, 2772).

(იბეჭდება მცირე ცვლილებით)
ყოველდღიური სპორტული გაზეთი "ლელო"