საქართველოს ვაჟ ძიუდოისტთა ნაკრებმა ევროპის ჩემპიონატზე ინდივიდუალურ შეჯიბრში გამოსვლა თითო ოქროს, ვერცხლისა და ბრინჯაოს მედლით დაასრულა. 22 აპრილს, პოლონეთის დედაქალაქ ვარშავაში გამართულ კონტინენტის პირველობაზე ოქროს მედალი მძიმეწონოსანმა გურამ თუშიშვილმა მოიპოვა, ვინც ფინალურ შეხვედრაში თანამემამულე ადამ ოქრუაშვილს სუფთად მოუგო.
იხილეთ ვიდეო
მანამდე ბრინჯაოს მედალი 90 კგ-მდე წონით კატეგორიაში ბექა ღვინიაშვილმა მოიპოვა.
დღეს ვარშავაში მედლები ვაჟთა შორის -90, -100 და +100 კგ წონით კატეგორიებში, ხოლო ქალებში -78 და +78 კგ-ში გათამაშდა. სამწუხაროდ, უმედლოდ დაასრულეს გამოსვლა ვალერი ლიპარტელიანმა (-100), რომელიც სანუგეშო ტურნირში დამარცხდა და
აღსანიშნავია, რომ პოლონეთის დედაქალაქში ევროპის ჩემპიონობა იზეიმეს სხვა ქვეყნების სახელით მოჭიდავე ქართველებმა - რობერტ მშვიდობაძემ (-60) და გიორგი ზანთარაიამ (-66), რომლებმაც ოქროს მედლები, შესაბამისად, რუსეთსა და უკრაინას მოუტანეს.
ევროპის ჩემპიონატი 23 აპრილს, გუნდური შეჯიბრებით დასრულდება.
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
![თბილისის გრანდ-სლემზე თუშიშვილმა ოქროს, ინანეიშვილმა კი ბრინჯაოს მედალი მოიპოვა [VIDEO]](/pictures/image7/e5e091071931cb5657fb70e706be5bbe.jpg "თბილისის გრანდ-სლემზე თუშიშვილმა ოქროს, ინანეიშვილმა კი ბრინჯაოს მედალი მოიპოვა [VIDEO]")
![იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]](/pictures/image7/08cc28cd274f2e85ffa1bcd94959c1aa.jpg "იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]")
