თბილისის გრან-პრი 2015: პირველ დღეს უმედლოდ

თბილისის სპორტის სასახლეში დაწყებული გრან-პრის (20-22 მარტი) პირველი საშეჯიბრო დღე ქართველი ძიუდოისტებისთვის არცთუ წარმატებული გამოდგა. დღეს ტურნირზე ასპარეზობა 60 და 66 კგ-მდე წონით კატეგორიებში გაიმართა, ჩვენი 8 წარმომადგენლიდან კი მედალს ვერავინ შესწვდა.

ბრინჯაოს მოპოვების შანსი მხოლოდ ამირან პაპინაშვილს (60 კგ) ჰქონდა, რომელმაც გადამწყვეტ შეხვედრაში მონღოლ ავარტუვშინ დაშდავაასთან იუკოთი წააგო.

ნახევარფინალში პაპინაშვილი უზბეკ შარაფუდინ ლუტფილაევთან სუფთად დამარცხდა, მანამდე კი მან აზერბაიჯანელ მეჰმან სადიგოვსა (ვაზარით) და მონღოლ ჩოგტბაატარ ცენდოჩირს (იპონით) სძლია.

უმსუბუქეს წონაში, პაპინაშვილის გარდა, ქართველთაგან ტატამზე პაატა მერებაშვილი, ლაშა გიუნაშვილი და

ლუხუმ ჩხვიმიანი გავიდნენ, თუმცა მათ პირველივე ორთაბრძოლები დათმეს.

66 კგ-მდე წონით კატეგორიაში წარუმატებლად გამოვიდნენ ვაჟა მარგველაშვილი, თორნიკე თათარაშვილი, მინდია ლილუაშვილი და შალვა ქარდავა.

საქართველოს ჩემპიონმა მარგველაშვილმა პირველ წრეში იტალიელთა მსოფლიოსა და ევროპის მესამე პრიზიორ ელიო ვერდეს ვაზარით კი მოუგო, მაგრამ უკრაინელთა ქართველ ევროპისა და მსოფლიოს ჩემპიონ გიორგი ზანთარაიას ვეღარ გაუმკლავდა. ამ დროისთვის ზანთარაია ტურნირის ნახევარფინალშია გასული.

ლილუაშვილი პირველ წრეში ბრიტანელ ლევის კებლეს მოერია, შემდეგ კი რუს იაკუბ შამილოვთან დამარცხდა.

პირველივე შეხვედრები წააგეს თათარაშვილმა და ქარდავამ.

თბილისის გრან-პრი 2015. ქართველების განრიგი:
21 მარტი, შაბათი
73კგ:
ზვიად კაპანაძე, ფრიდონ გიგანი, ლაშა შავდათუაშვილი, ნუგზარ ტატალაშვილი

81კგ:
ავთანდილ ჭრიკიშვილი, ამბაკო ავალიანი, გიორგი პაპუნაშვილი, უშანგი მარგიანი

22 მარტი, კვირა
90კგ:
ვარლამ ლიპარტელიანი, ზვიად გოგოჭური, პაატა ღვინიაშვილი, ბექა ღვინიაშვილი

100კგ:
ალექსანდრე მსხალაძე, იასონ ნემსაძე, ალექსანდრე ზაალიშვილი, ლაშა გურული

+100კგ:
ონისე ბუღაძე, ლევან მატიაშვილი, ვახტანგ ოქრუაშვილი, ადამ ოქრუაშვილი

ქალები
+78:
ირინე ლეონიძე.

ასევე იხილეთ:
თბილისის გრან-პრი 2015: დღეს დიდი ძიუდო იწყება!