დასავლეთის კომუსუბი ტოჩინოშინი (ლევან გორგაძე) ახალი წლის ბაშოზე ასპარეზობას წყვეტს - სეკივაკე შოდაისთან ორთაბრძოლაში მან მუხლზე მენისკი დაიზიანა. საბედნიეროდ, მყესები არ არის გაწყვეტილი, თუმცა ჩვენებურისთვის ეს ბაშო დასრულებულია. ექიმებმა ჩვენებურს 2-კვირიანი უქმობა გამოუწერეს, ხოლო კომუსუბი ტაკაიასუს მასთან მოგება ჩაეთვალა.
მე-13 მაეგაშირა გაგამარუმ (თეიმურაზ ჯუღელი) მეორე გამარჯვება იზეიმა ბაშოზე (2-4), მან მძლავრი ოშიდაშით ეგვიპტელი ოსუნაარაში გაიყვანა დოჰიოდან. ჩვენებურის მომდევნო მეტოქე მე-14 მაეგაშირა ჩიოოტორია (4:6 ურთიერთშეხვედრებში).
