28 წლის ლევან გორგაძე (ტოჩინოშინი) კარიერაში პირველად ჭიდაობს სეკივაკეს რანგში (III იერარქიული წოდება სუმოში), თუმცა, ჯერჯერობით, ის წარუმატებელია. დიდ ჩემპიონ ჰარუმაფუჯისთან სასტარტო მარცხი თუ მოსალოდნელი იყო, მე-2 მაეგაშირა ტაკარაფუჯისთან წაგებას აღარ ველოდით, თუმცა ჩვენებურმა იორიკირის ილეთით დათმო.ახლა ჩვენებურის მეტოქე აღმოსავლეთის სეკივაკე, ბრაზილიელი კაისეია, რომელსაც ურთიერთშეხვედრებში 8:5-ს უგებს.
ძურიოს დივიზიონის პირველმა ნომერმა თეიმურაზ ჯუღელმა (გაგამარუ) წააგო არავაშისთან, რომელიც ელიტის სუმოისტია. ახლა ჩვენებურის მეტოქე ჩიოტაირიუა (3:5 ურთიერთშეხვედრებში), გაგამარუს 1-1 ბალანსი აქვს.
II დღე (მნიშვნელოვანი ბრძოლები): კაკურიუ-მიტაკეუმი (იორიკირი), ჰარუმაფუჯი-ტოჩიოძანი (ჰატაკიკომი), კაჰუჰო-ოკინოუმი (ოშიდაში),
III დღე (მნიშვნელოვანი წყვილები): ჰარუმაფუჯი-ოკინოუმი, ჰაკუჰო-მიტაკეუმი, კაკურიუ-ტოჩიოძანი, გოეიდო-ტაკაიასუ, ტოჩინოშინი-კაისეი.
