ფოტოზე: გიორგი გეგელაშვილითბილისის ახალ სპორტის სასახლეში მიმდინარე ჭაბუკ მოჭიდავეთა მსოფლიოს ჩემპიონატზე, 17 სექტემბერს მედლები თავისუფალ ჭიდაობაში 5 წონითი კატეგორიაში გათამაშდა. საქართველოს ნაკრებიდან ბრინჯაოს მედლები მოიპოვეს გიორგი გეგელაშვილმა (42) და თორნიკე ქათამაძემ (50).
გეგელაშვილმა მედლისთვის შეხვედრაში ყირგიზ აბდუმალიკ კარაჩოვს წმინდად მოუგო, ქათამაძემ კი იაპონელი დაიგო ჰატორი დაამარცხა - 8-6.
ფოტოზე: თორნიკე ქათამაძე
ბრინჯაოს მოპოვების შანსი ჰქონდა გიორგი ელბაქიძესაც (58), თუმცა გადამწყვეტ შეხვედრაში რუს ვადიმ ბიკოევთან დამარცხდა.
ტურნირს ნაადრევად გამოეთიშნენ გოგა მამიაური (69) და სიმონ ოსკანიანი (85).
18 სექტემბერს, ტურნირის ბოლო დღეს მედლები დანარჩენ წონით კატეგორიებში გათამაშდება.
