გრძელდება ინდოეთის პროფესიული საკლუბო ჩემპიონატი - "პრო-ლიგა", სადაც 5 იანვარს მეორე შეხვედრა გამართა ვლადიმერ ხინჩეგაშვილის (57) "პუნჯაბი როიალსმა" და ამჯერადაც წარმატებით - "მუმბაი მაჰარატხის" 4:3 მოუგო. საბედნიეროდ, ისევ იმარჯვა ხინჩეგაშვილმაც - ინდოელ რაჰულ ავარეს 7:3 მოუგო.
შეგახსენებთ, რომ ჩვენმა ოლიმპიურმა, მსოფლიოსა და ევროპის ჩემპიონმა ინდურ ლიგაში ორი შეხვედრა გამართა და ორივეში იმარჯვა.
5 იანვარს კიდევ ერთ ქართველს უნდა ეჭიდავა - ტარიელ გაფრინდაშვილს (74), მაგრამ ის მეტოქე გუნდის მწვრთნელებმა დაბლოკეს (ესეც იქაური წესია - მწვრთნელებს შეუძლიათ, მოწინააღმდეგის გუნდიდან თითო ფალავანი დაბლოკონ).
წესისამებრ, დღეს პრო-ლიგაში ერთი შეხვედრა იმართება, მაგრამ ჩვენთვის ფრიად საინტერესო - დავით ტლაშაძის (70) "დელი სულთანი" ელიზბარ ოდიკაძისა (97) და იაკობ მაქარაშვილის (74) "ჯაიპურ ნინჯასს" ხვდება. "პანჯაბისა" არ იყოს, ჯაიპურელებიც მეორე შეხვედრას ატარებენ და წინა პაექრობა ორივე ქართველმა მოიგო, ტლაშაძე და მისი კლუბი კი დღეს ერთვებიან ლიგაში.
ფოტოზე: სადაც მიხვიდე, იქაური ქუდი დაიხურეო - ელიზბარ ოდიკაძე ინდურ სამოსში
(იბეჭდება მცირე ცვლილებით)
ყოველდღიური სპორტული გაზეთი "ლელო"
![იაკობიშვილის ოქრო და ბუჯიაშვილისა და გამყრელიძის ბრინჯაო ევროპირველობაზე [VIDEO]](/pictures/image7/3874dd700fd476bbb0588c236f86ccda.jpg "იაკობიშვილის ოქრო და ბუჯიაშვილისა და გამყრელიძის ბრინჯაო ევროპირველობაზე [VIDEO]")
![ბოლო წამების სინდრომი - ოდიკაძე ბოლო წამებზე დამარცხდა [VIDEO]](/pictures/image7/47d66336475f2ae8038f2fe745d739fb.jpg "ბოლო წამების სინდრომი - ოდიკაძე ბოლო წამებზე დამარცხდა [VIDEO]")
![SPORTALL - გადაცემის სტუმარია თავისუფალი სტილით მოჭიდავე ელიზბარ ოდიკაძე [VIDEO]](/pictures/image7/b3cfc4dbcf5d4ccd9d8b222135f6de3b.jpg "SPORTALL - გადაცემის სტუმარია თავისუფალი სტილით მოჭიდავე ელიზბარ ოდიკაძე [VIDEO]")
