რუსულმა სპორტულმა გამოცემებმა დღეს, 4 ივლისს, ყაზანის "რუბინში" რამდენიმე დღის წინ გადასული ქართველი ფეხბურთელის ხვიჩა კვარაცხელიას კონტრაქტის დეტალები გაახმაურეს.რუსულ პრესაში გავრცელებული ინფორმაციით, 18 წლის შემტევმა კონტრაქტის გაფორმებისთვის 500 000 ევრო, აგენტმა მამუკა ჯუღელმა კი 3 მილიონი ევრო მიიღო.
Sportall.ge გავრცელებული ინფორმაციის გადასამოწმებლად თავად ხვიჩა კვარაცხელიას დაუკავშირდა.
"3 მილიონი ევრო აგენტს და 500 000 - მე? ამას რომ ვკითხულობ მეცინება. ჯერ კონტრაქტზეც არ მომიწერია ხელი და საერთოდ არანაირი თანხა არ ამიღია.
ძალიან აღელვებული ვარ, მინდა ფეხბურთი ვითამაშო. ვიცი, რომ "რუბინში" მეტი სათამაშო დრო მექნება. სიომინს ჩემი გაშვება ნამდვილად არ უნდოდა და სურდა კლუბში დავრჩენილიყავი.
თუ შემოთავაზება ძლიერი ევროპული კლუბიდან მექნება, "რუბინი" საშუალებას მომცემს კარიერა სხვაგან გავაგრძელო, ამიტომ ავირჩიე ეს კლუბი", - განაცხადა ხვიჩა კვარაცხელიამ Sportall.ge-ისთან საუბრისას.
![alt](/pictures/image50/9e6b15f6ff5dcb6fca7851551c0ccf58.jpg ""ამას რომ ვკითხულობ, მეცინება" - ხვიჩა კვარაცხელია რუსულ მედიაში გავრცელებულ ინფორმაციას პასუხობს")
ნახევარი მლნ კვარაცხელიას, 3 მლნ აგენტს - რუსული მედია ფინანსურ დეტალებზე წერს![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""ამას რომ ვკითხულობ, მეცინება" - ხვიჩა კვარაცხელია რუსულ მედიაში გავრცელებულ ინფორმაციას პასუხობს")
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
