თბილისის "დინამომ" ევროპა ლიგის პირველი საკვალიფიკაციო ეტაპის პირველ მატჩში "ენგორდანი" 6:0 გაანადგურა, დღეს კი განმეორებით შეხვედრაში დაუპირისპირდება.
"დინამომ" ანდორაში ივარჯიშა, ხოლო იქამდე მისმა მწვრთნელმა ფელის ვისენტემ პრესკონფერენციაზე ისაუბრა.
"პირველი მატჩის დასრულების შემდეგ ჩვენ არ ჩაგვითვლია ეს ეტაპი გადალახულად. მართალია, ხელსაყრელი ანგარიშით ვიმარჯვეთ, თუმცა ვიბრძოლებთ საპასუხო მატჩშიც. შევეცდებით, ჩვენი საქმე პირველი პაექრობის დარად კარგად შევასრულოთ და არც სიურპრიზებს მოვერიდებით.
20 ფეხბურთელით ვართ ჩამოსულები და თამაშის შანსი ყველა მათგანს აქვს. მოედანზე აუცილებლად მოსაგებად გავალთ. ხვალ მეტოქე მოტივირებული იქნება. გუნდი სახლში თამაშობს და საკუთარი გულშემატკივრის თვალწინ კარგი თამაშის ჩვენებას შეეცდება. რაც შეეხება სათამაშო მინდორს, შემიძლია ვთქვა, რომ მშვენიერ მდგომარეობაშია. ეს ყველაფერი კარგ და ლამაზ თამაშს შეუწყობს ხელს და დარწმუნებული ვარ, ამით ფეხბურთელებიც ისიამოვნებენ", - ციტირებს ვისენტეს "დინამოს" საიტი.
მატჩი თბილისის დროით 21:30 საათზე დაიწყება, შემდეგ ეტაპზე გასვლის შემთხვევაში კი, რაც ფაქტობრივად, გადაწყვეტილია, "დინამო" "გაბალას" შეხვდება.
![ეროვნული ლიგა. XXV ტური: ექს-დინამოელმა ბექა ქავთარაძემ დუბლით "რუსთავს" თბილისის "დინამოსთან" ქულა მოუპოვა [VIDEO]](/pictures/image7/fb5fe469bee1ae3522eff29ab08077c9.jpg "ეროვნული ლიგა. XXV ტური: ექს-დინამოელმა ბექა ქავთარაძემ დუბლით \"რუსთავს\" თბილისის \"დინამოსთან\" ქულა მოუპოვა [VIDEO]")
![ეროვნული ლიგა. XXV ტური. დინამო თბ - რუსთავი [LIVE]](/pictures/image7/ec11f7d09d404ffa639395cd8a1f58a4.jpg "ეროვნული ლიგა. XXV ტური. დინამო თბ - რუსთავი [LIVE]")
![ეროვნული ლიგა. XXIV ტური: თბილისის "დინამომ" "ტორპედოს" მოუგო და ლიდერობა დაიბრუნა [VIDEO]](/pictures/image7/dc9534e1559fa657eb2b25e2f84a80cc.jpg "ეროვნული ლიგა. XXIV ტური: თბილისის \"დინამომ\" \"ტორპედოს\" მოუგო და ლიდერობა დაიბრუნა [VIDEO]")
![ეროვნული ლიგა. XXIV ტური. ტორპედო-დინამო (თბ) [LIVE]](/pictures/image7/f9eb64e3af05534f293ea2d6fde094be.png "ეროვნული ლიგა. XXIV ტური. ტორპედო-დინამო (თბ) [LIVE]")
