21 ივლისს ქართველების "რუბინმა" რუსეთის პრემიერლიგის მეორე ტურში მოსკოვში "დინამო" 1:0 დაამარცხა და გამარჯვების გოლი ზედ საფინალო სასტვენის წინ ბექა მიქელთაძემ გაიტანა.
მწვრთნელმა შარონოვმა სასტარტო შემადგენლობაში ქართული ტრიოდან კვლავ მხოლოდ ზურიკო დავითაშვილი დააყენა, 36-ე წუთზე მსაჯმა სტუმართა გუნდის ნახევარმცველ ბაშკიროვს მეორე ყვითელი ბარათი უჩვენა და რიცხობრივ უმცირესობაში დარჩენილები არ გატყდნენ.
შესვენების შემდეგ ბექა მიქელთაძემ ისლანდიელი კიარტანსონი შეცვალა, რომელიც ორიოდ დღის წინ "როსტოვიდან" იჯარით აიყვანეს. ხვიჩა კვარაცხელია 77-ე წუთზე ჩაერთო თამაშში. ბოლოს ძნელი გასარჩევი იყო, ვინ იყო მასპინძელი და ვინ სტუმარი, ვინ იყო კაცნაკლული და ვინ არა, რადგან ყაზანელებს იერიში-იერიშზე მიჰქონდათ და შედეგსაც მიაღწიეს - ბოლო წუთზე მიქელთაძის წამოწყებული და კვარაცხელიას გაგრძელებული კონტრშეტევა თავად ბექამ დააგვირგვინა.
ასე და ამგვარად, "რუბინი" მოსკოვური ვოიაჟის შემდეგ სახლში 4 ქულით ხელდამშვენებული ბრუნდება - პირველ ტურში "ლოკომოტივთან" კვარაცხელიას გოლით ფრეს (1:1) მიაღწია.
ნუ დაგავიწყდებთ, რომ ეს გუნდი, ფაქტობრივად, ხელახლა შეიქმნა და ქართველი ლეგიონერები მხოლოდ რამდენიმე დღეა, რაც გუნდში არიან. ვერაფერს იტყვი, მათი დებიუტი მართლაც შთამბეჭდავია.
მოსკოვი. "ВТБ არენა". 17 135 მაყურებელი
დინამო - რუბინი 0:1
გოლი: მიქელთაძე (90+3)
![alt](/pictures/image50/cb3e8c0de0a3d9728b645291d20a22ec.jpg "ყოჩაღ ბიჭებო - ბექა მიქელთაძემ კაცნაკლულ "რუბინს" გამარჯვება მოუპოვა! [VIDEO]")
championat.com: ქართველმა ჯიგიტებმა და სახელდახელოდ შეკრებილმა ბანდამ მოსკოვიდან 4 ქულა წაიღეს
![alt](/pictures/image50/b108a521b302eeb8a03afa8240abc27e.jpg "ყოჩაღ ბიჭებო - ბექა მიქელთაძემ კაცნაკლულ "რუბინს" გამარჯვება მოუპოვა! [VIDEO]")
ხვიჩა კვარაცხელიამ "ლოკომოტივს" გოლი გაუტანა, "რუბინს" ქულა მოუპოვა და არ აღნიშნა! [VIDEO]
![alt](/pictures/image50/512867881083c3bcb2d5cef1d693759d.png "ყოჩაღ ბიჭებო - ბექა მიქელთაძემ კაცნაკლულ "რუბინს" გამარჯვება მოუპოვა! [VIDEO]")
"ანორთოსისი", თემურ ქეცბაია, "რუბინი" და მამუკა ჯუღელი - ინტერვიუ ბექა მიქელთაძესთან
![alt](/pictures/image50/7d6a2890d56bb6766e77767134f1ef24.png "ყოჩაღ ბიჭებო - ბექა მიქელთაძემ კაცნაკლულ "რუბინს" გამარჯვება მოუპოვა! [VIDEO]")
ზურიკო დავითაშვილი "რუბინში" გადავიდა [VIDEO]
![alt](/pictures/image50/513f1c569bc1012a4642a65b533ce9ab.jpg "ყოჩაღ ბიჭებო - ბექა მიქელთაძემ კაცნაკლულ "რუბინს" გამარჯვება მოუპოვა! [VIDEO]")
"რუბინის" მწვრთნელები ხვიჩა კვარაცხელიას სასტარტოში არდაყენებას განმარტავენ
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ყოჩაღ ბიჭებო - ბექა მიექლთაძემ კაცნაკლულ "რუბინს" გამარჯვება მოუპოვა! [VIDEO]")
მთავარია, რომ ათამაშებენ ქათველებს და პრაქტიკა აქვთ მომავალში ნაკრებსაც წაადგებიან წარმატებას ვუსურვებ სამივეს ასე გაგრძელეთ ბიჭებო.