"გაბალასთან" ევროპა ლიგის მეორე საკვალიფიკაციო ეტაპის პირველი მატჩის (2:0) შესახებ განცხადება თბილისის "დინამომ" გაავრცელა. საფეხბურთო კლუბი "დინამო" იუწყება, რომ თამაშისას არანაირ დაძაბულობას არ ჰქონია ადგილი.
"გუშინდელი მატჩის დასრულების შემდეგ რამდენიმე „ფეიკ“ და სახელდახელოდ შექმნილი გვერდების მიერ მოხდა თამაშის მიმდინარეობის არასწორედ და პროვოკაციულად ამსახველი, დამონტჟებული ფოტო და ტექსტური ინფორმაციის გავრცელება, სადაც აქცენტი პოლიტიკურ ბანერებზე და გულშემატკივრებს შორის დაპირისპირებაზე გაკეთდა.
სრული პასუხისმგებლობით ვაცხადებთ, რომ მატჩმა ნორმალურ და მშვიდ გარემოში ჩაიარა. ეს ყველაფერი შეხვედრის პირდაპირ ვიდეო რეპორტაჟშიც თვალნათლივ ჩანდა. გულშემატკივართა მიერ არ ყოფილა გამოფენილი არანაირი პოლიტიკური სახის ბანერი და არც არანაირ დაძაბულობას არ ჰქონია ადგილი. ეს ცრუ ინფორმაციები ნამდვილად ვერ მიაყენებს ჩრდილს ჩვენი ორი ქვეყნის ურთიერთობას. გთხოვთ ამ პროვოკაციული გვერდების მიერ გავრცელებულ ცრუ ინფორმაციებს ნუ მიაქცევთ ყურადღებას", - ნათქვამია განცხადებაში.
![alt](/pictures/image50/3125d1120bd84e61d80e4f30128b78bc.jpg "თბილისის "დინამოს" განცხადება: "გაბალაში მატჩმა ნორმალურ გარემოში ჩაიარა"")
თბილისის "დინამომ" "გაბალას" სძლია და "ფეიენოორდთან" შეხვედრისკენ დიდი ნაბიჯი გადადგა [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg "თბილისის "დინამოს" განცხადება: "გაბალაში მატჩმა ნორმალურ გარემოში ჩაიარა"")
