ცნობილმა უკრაინელმა მწვრთნელმა იოჟეფ საბომ "Футбол 1/2"-თან ინტერვიუში კიევის "დინამოსა" და "შახტარის" სუპერთასის მატჩი გაარჩია:
"ბუნებრივია, სუპერთასზე წაგების შემდეგ "შახტარს" რევანში სწადია. ვფიქრობ, უახლოეს მატჩში დავით ხოჭოლავას აღარ ათამაშებენ, კაშტრუ შეცვლის; შესაძლოა მატვიენკო დააყენოს. არაა გამორიცხული, სოლომონის ნაცვლად ტეტემ იასპარეზოს. მთლიანობაში კი ტაქტიკა არ შეიცვლება.
არც "დინამოში" შეიცვლება რამე, რადგან გაიმარჯვეს".
ua-football.com-ი აღნიშნავს, რომ ხოჭოლავას საუკეთესო მატჩი ნამდვილად არ ჩაუტარებია.
ეს გუნდები ჩემპიონატზე ერთმანეთს 10 აგვისტოს კიევში შეხვდებიან.
"შახტარის" დამარცხება დავით ხოჭოლავას ბრალი იყო? - განვიხილოთ ეპიზოდები [VIDEO]
