ყაზანის "რუბინის" მთავარი მწვრთნელი ედუარდო დიკამპო ძალიან გააღიზიანა ჟურნალისტების შეკითხვამ იმის თაობაზე, თუ ასე სწრაფად რატომ დაკარგეს ძირითად შემადგენლობაში ადგილი ზურიკო დავითაშვილმა და ხვიჩა კვარაცხელიამ.
"ზურიკო იმიტომ აღარ არის ძირითად შემადგენლობაში, რომ ნაკრებიდან ტრავმირებული დაბრუნდა. რაც შეეხება კვარაცხელიას, ჩვენ ვთვლით, რომ არიან სხვა ფეხბურთელები, რომლებსაც უკეთესად შეუძლიათ მოქმედება განსაზღვრულ მომენტებში. მან რუსეთის თასზე ითამაშა. ის თამაშობს, როგორც სხვა დანარჩენები. ის ძალიან კარგი ფეხბურთელია, ძალიან კარგი.
თქვენ შეგიძლიათ მისი გაკრიტიკება. ეს იმიტომ, რომ ის ახალგაზრდაა. თქვენ მხოლოდ მის შესახებ საუბრობთ, ახლაც მეკითხებით, თუ როდის გავა მოედანზე. რა უნდა იფიქროს ადამიანმა, რომელიც მხოლოდ იმას ისმენს, რომ მან უნდა ითამაშოს? გინდათ, რომ კარგად ითამაშოს და აქ დიდი ხნით დარჩეს? თუ მისი გაყიდვიდან წილის მიღება გსურთ? მე მინდა ხვიჩამ აქ დიდი ხნით ითამაშოს. იმიტომ, რომ ის ძალიან ახალგაზრდა და ძალიან ნიჭიერი მოთამაშეა. თუკი არ გავუფრთხილდებით მას, ჩვენ კვარაცხელიას დავკარგავთ. ძალიან ბევრი "ბომბივით" ფეხბურთელი იყო, რომელიც შემდეგ დაიკარგა.
და საერთოდ, რა ხდება აქ ქართველებთან დაკავშირებით? თითქოს მხოლოდ ქართველები გვყავდნენ გუნდში. ალბათ, მომდევნო სეზონში 20 ქართველი უნდა ვიყიდოთ და შეკითხვებიც აღარ იქნება. გვყავს ძალიან კარგი ფეხბურთელები - პადბერიოზკინი, იგორ კონოვალოვი, არ მინდა ყველას ჩამოთვლა. ყველა იმსახურებს პატივისცემასა და შექებას. თქვენთან ერთი თხოვნა მაქვს - დაგვეხმარეთ, რომ მოვუფრთხილდეთ ამ ფეხბურთელებს. როცა 24-25 წლისები იქნებიან და ჩემპიონთა ლიგას 5-ჯერ მოიგებენ, მაშინ დავიწყებთ იმაზე საუბარს, რომ ისინი საუკეთესოები არიან. მერე გავყიდით კიდეც მათ", - გადმოსცემს დიკამპოს სიტყვებს БИЗНЕС Online.
![alt](/pictures/image50/fb5369e07e29e932ccd8b64433aaa41c.jpg ""რუბინის" მწვრთნელი: ნუ აგვიკელით ქართველებზე კითხვებით, თითქოს მხოლოდ ქართველები გვყავდნენ გუნდში")
დავითაშვილის სატრანსფერო ფასი 3 მლნ ლარზე მეტით გაიზარდა, კვარაცხელიას - თითქმის 2 მილიონით![alt](/pictures/image50/264ae9fd9696064cfd8b23cd063b8858.jpg ""რუბინის" მწვრთნელი: ნუ აგვიკელით ქართველებზე კითხვებით, თითქოს მხოლოდ ქართველები გვყავდნენ გუნდში")
ადაპტაციაზე, "რუბინზე", ნაკრებზე, საქართველოზე - ინტერვიუ ხვიჩა კვარაცხელიასთან![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""რუბინის" მწვრთნელი: ნუ აგვიკელით ქართველებზე კითხვებით, თითქოს მხოლოდ ქართველები გვყავდნენ გუნდში")
![ხვიჩას მოპოვებული პენალტი - "ნაპოლიმ" "რომასთან" გამარჯვება ხელიდან გაუშვა [VIDEO]](/pictures/image7/86d2d860a4ac79e9cac8e973b4fd6636.jpg "ხვიჩას მოპოვებული პენალტი - \"ნაპოლიმ\" \"რომასთან\" გამარჯვება ხელიდან გაუშვა [VIDEO]")
