ფოტო: facebook.com/fc.saburtalotb
თბილისის "საბურთალომ" ეროვნული ლიგის 30-ე ტურში გასვლაზე "რუსთავს" 3 უპასუხო გოლი გაუტანა და ეროვნულ ჩემპიონატში მე-17 გამარჯვება მოიპოვა.
შეხვედრაში ანგარიში ჩერნოგორიელმა ფორვარდმა ოგნიენ როლოვიჩმა გახსნა. 26-ე წუთზე სანდრო ალთუნაშვილის პასი გამოიყენა და "საბურთალო" წინ გაიყვანა.
მეორე ნახევრის დასაწყისში თბილისელებმა მეორე გოლი გაიტანეს. 49-ე წუთზე თავი გიორგი კოხრეიძემ გამოიჩინა, რომელსაც ასისტენტობა ანტე გიიმ გაუწია. საბოლოო ანგარიში კი 61-ე წუთზე დაფიქსირდა. გიორგი გაბედავამ წლევანდელ ეროვნულ ლიგაში თავისი მეორე გოლი გაიტანა.
ამ გამარჯვების შემდეგ თბილისის "საბურთალოს" 57 ქულა აქვს და ორ "დინამოს" 4 ქულით ჩამორჩება. ჩემპიონატის დასრულებამდე 6 ტურია დარჩენილი.
ეროვნული ლიგა, XXX ტური
"რუსთავი" - "საბურთალო" 0:3
გოლები: 0:1 ოგნიენ როლოვიჩი (26), 0:2 კოხრეიძე (49), 0:3 გაბედავა (61)
წითელი ბარათი: ტერა (84)
"რუსთავი": მამარდაშვილი, სილაგაძე, გუჯაბიძე, ნოზაძე, თევზაძე (სალუქვაძე, 73), ბაირამოვი, ვასაძე, ძალამიძე, კიტეიშვილი, ლეჟავა (სიჭინავა, 57), იმნაძე (მეტრეველი, 76)
"საბურთალო": მიგინეიშვილი, ჩაბრაძე, კაკუბავა, რეხვიაშვილი, ლაკვეხელიანი (დიასამიძე, 57), ცნობილაძე, ალთუნაშვილი, ტაბატაძე (გაბედავა, 52), გიი, კოხრეიძე (ტერა, 70), როლოვიჩი
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ეროვნული ლიგა: "საბურთალომ" "რუსთავს" ადვილად მოუგო")
