ქართველმა ძიუდოისტებმა გრან სლემზე ორი ვერცხლი და ორი ბრინჯაო მოიპოვეს

AutoSharing Option
პარიზის გრანდ სლემზე ქართველმა ძიუდოისტმა ბექა ღვინიაშვილმა (90 კგ) ჯერ აზერბაიჯანელი აბდულა რასეულუ გამოთიშა ასპარეზობას, შემდეგ სამხრეთ კორეის წარმომადგენელს იეიონგ ლის აჯობა, 1/4-ფინალში იპონით გერმანელი ედუარ ტრიპელი დაამარცხა, ნახევარფინალში იაპონელ კენტა ნაგასავას სძლია, ფინალში კი სამწუხაროდ იპონით იაპონელ სოიჩირო მუკაისთან დამარცხდა.

81 კილოგრამ წონით კატეგორიაში ბრინჯაოს მედალი ნუგზარ ტატალაშვილმა მოიპოვა. მან კანადელ ანტუან ვალუა - ფორტიეს სძლია.

ბრინჯაოს მედალს აგრეთვე ვარლამ ლიპარტელიანი (100 კგ) დაეუფლა (ხორვატი ზლატკო კუმრიჩი დაამარცხა).

რაც შეეხება გურამ თუშიშვილს (+100 კგ), ნახევარფინალში იაპონელ კოკორო კაგეურასთან მსაჯებმა
დასაჯეს, რადგან ჩათვალეს, რომ მეტოქეს განზრახ მიარტყა მუხლი სახეში.

შეგახსენებთ, ტურნირზე ვერცხლის მედალი ლაშა შავდათუაშვილმა (73 კგ) მოიპოვა.
მკითხველის კომენტარები / 7 /
ზედმეტ ემოციებს ხარჯავთ ჭიდაობის დროს. ნერვები უნდა დააწყნაროთ და მშვიდად და ყურადღებით იჭიდაოთ და უკეთესი შედეგები იქნება. ფსიქოლოგიურად ჭირდებათ ჩვენს სპორტსმენებს დახმარება ყველაზე მეტად. იაპონელებისგან ისწავლეთ როგორ მშვიდად უნდა იჭიდაო როგორი კონცენტრაციით და თუნდაც წინა წრეებში მოგების შემთხვევაში როგორ მშვიდად უნდა შეხვდე მოგებას. არ უნდა მოგებას და არც წაგებას ემოციები. თავმდაბლობა და სიმშვიდეა საჭირო. ჩვენი ბიჭები დიდ ენერგიას წირავენ ემოციებს ჭიდაობის დროს და ალბათ ტატამს გარეთაც შეხვედრებამდე. დავიჯერო ამას მწვრთნელებიდან ვერავინ ხედავს? ლიპარტელიანი და შავდათუაშვილი ამ მხრივ საუკეთესოები არიან ამიტომაც აღწევენ უკეთეს შედეგებს.
giorgi
10:31 12-02-2018
0
მეტი ყურადღება არის საჭირო მეტოქის საჭიდაო სტილის საპირისპიროდ ტაქტიკის ასარჩევად, გვინიაშვილმა უყურადგებობით გაუშვა გდება მუკაი სწრაფია და ზუსტად ის ჩავლება უნდა აერიდებინა რითაც მოყვა გდებაზე, როცა იცი ჩახტომით კისრულს აკეთებს კარგად მოწინააღმდეგე, შანსიც არ უნდა მიცე რო ჩავლება მაგ გდებისთვის დაგიჭიროს ეგ ერთი, მეორე, ის რომ თუშის უნდა მუშაობა გამძლეობაზე და აშკარად გამოჩნდა კიდე ერთხელ მსოფლიოზე მონგოლთან მარცხის მერე, რო უჭირს ამ კაცს დაბლებთან ჭიდაობა, დაბლებს ვერ აგდებს მაჯებიდან და ზემოდან გადავლებულზე საერთოდ ვერ მუშაობს, მწვრთნელების გასაგონად ვამბობ და კარგია თუ კითხულობენ კომენტარებს რო ამუშაონ ეგ კაცი დაბლებთან საჭიდაოდ, გადავლებულზე "გარეფეხზე" და ა.შ. თორე ამ ნაკლის გამო დაკარგავენ ბევრჯერ კიდე მედალს. ლიპოს რაც შეეხება ჭკვიანურად წიდაობს ფაქტია მაგრამ იმ ილეტზე რომელზეც მარესთან მოყვა პირველი შემთხვევა არ არი და რასაც ვერ აკეთებს ან უნდა კარგად დაამუშაოს ან შეეშვას და რაც გამოდის იმაზე დაიჭიროს მეტოქე ჯობია როცა ამ რანგის შეჯიბრზე გამოდის, საწყენია როცა მოგება შეგიძლია და აგებ შეცდომის გამო რაც Xშირად მოსდით ჩვენებს.
Twin
10:01 12-02-2018
0

სიახლეები პოპულარული